تحيه لابن عياده

هذه القصيدة موجهه لسعادة اللواء المتقاعد / عيد بن عيادة العصباني البلوي حيــــــث أنــــه أثناء الحفلة التكريميه التي أقمتها علي شرف الشاعر / سعود بن كايد العصباني البلوي وقف وقال كلمة قيمة أمام حشداً كبيراً من قبيلة بلي وغيرها وفي حضور شيوخ ووجهاء ورجال أعمال من قبيلة بلي وقد شكرني في كلمته وشكر عشيرتي السميرات ووجه دعوته لضيفي سعود بن كايد وكانت كلمته قيمه احتوت علي أسما وأجمل معاني التقدير والفخر مما دفعني اكتب له هذه الأبيات المتواضعة أملي أن تكــــون في مـــحل الرضاء.

يابن عــــيادة كلمتك ترفع الـــــــراس = كلمة عقيد القــوم ينهم جـــواده
وشكراً علي شكر لها وقع واحسـاس = ولاهي غريبة وقفة ابن عيــــاده
ابن الكريم اللي له الطيب من سـاس = طيباً علي طيب وهذي شـــهاده
أشهد بها ويشهد معي صاحي الراس = اللي يميز بذرها من حـــصــــاده
زيزوم ربعاً يكســـبوا كل نــــــــوماس = علماً موكد ماتشك بوكـــــــــــاده
وقفتك أمام الجمع تحسب بالكيـــاس = عد الذهب من مصرفه في بـلاده
ليث وقف من فوق رأس القــدم داس = متحفزاً لطيب والطيـــــــــب زاده
يعزم وعازم مابها ظنون ولبـــــــــاس = عازم وجازم يستحق الاشــــــاده
وربعه معه بالعزم مافيه لــــــــولاس = شدة ظهر والكل يقــــــــدح زناده
وأن قلت عصباني ترى العلم نبــراس= فيهم ومنهم من طبيـــــــباً وقاده
نفخر بهم بين القبــــــــائل والأجناس = والمجتهد يظهر عليه أجتــــــهاده
هذا كلام الصدق والوضـــــع حساس = مالي علي التضخيم طبـعاً وعاده

صح لسانك يالشاعر على هالقصيده

ويستاهل الممدوح ماذكرته والفخر لنا جميع بهولاء الرجال اصحاب الايادي البيضاء

على افعالهم المشهوده0

تقبل مروري وكل عام وانت بخير0

اشكرك ياخ على هذه القصيده ويستاهل ابن عياده

صح لسانك يابو رايد ويستاهل ابو فهد هذه الأبيات الجزلة

صح لسانك يا ابورئد وابو فهد يستاهل

صح لسانك
وابو فهد يستاهل ما قيل فيه