قصه وقصيده للشاعر حماد عوض التلفيه الرموثي (رحمه الله)(وثق)

مناسبة القصيدة

يذكر الشاعر حماد رحمة الله انه ضاف احد العرب ووجد شايبهم مشتري لأبنه سيارة وعندما أرسل الشايب ولده لغرض ما رفض الابن وقال نحن ناس متعلمين وهؤلاء الكبار لايسمعون الكلام
وقال هذة القصيدة

سميت بسم الله والحمدلله=الواحد المعبود بأمره ودينه
اللي خلق بالست سبعه مواساه=وارسى بها كل الجبال الضخيمه
إنه يوفقنا على رشد ممشاه=الواحد اللي كلنا تابعينه
حنا جماعتنا بعضهم تركناه=وسافر ولقي له ديارحسينه
واللي مشى قالوا تزوج بممشاه=قالوا يورونه على شوف عينه
هيهات يازرع الذره ماعرفناه=لا عاد مايعرف بذاره وطينه
واللي نقى حبه على وقت مشراه=مايخسر اللي بالوطن زارعينه
الرجل يعرف كل دربه وممشاه=يمشي طريق الحق والله يعينه
اما الردى خلوه حبله على وقت ماه=واترك شمالاً مايساعد يمينه
قطع العلاقه بينكم حد منهاه=قطع الرشا يوم العرب واصلينه
والسيل لاتنزل على حد ممشاه=يشيل زرعك والنخل والمكينه
الله من شيئاً على غير معناه=شيئاً نشوفه والعرب شايفينه
شئ يعيد القلب بحدود مجراه=كيف الولد ينفخ على والدينه
إن ارسله للدرب قفى وخلاه=تقول ماعده يشوفه بعينه
يشوت هالموتر لينه تولاه=وان صخن الماطور تسمع حنينه
والاب صابر ناقلاً داه برداه=صابر على بلواه والله يعينه
وامه لنه مرض بس تنهاه=عليه تبكي بالعيون الحزينه
ماتكل العيشه ومطعومها ماه=وان طاب حالتها على الطيب زينه
تعبو عليه اولا وارباه وغذاه=لين الشعر بين على شاربينه
ابوك يادرويش جازه بحسناه=واطرح جناح الذل له بالسكينه
كم نوبتاً بالبرد غطاك بغطاه=عشاك وهو صابر بزينه وشينه
زود الولدعن ذلك من فعل يمناه=بعد البحر عن سوق صنعاء ولينه
فيهم كما العنبر على زود مشراه=ذهب مصفى والعرب مشتدينه
الـذ من ذوق العسل عند مجناه=وأمرّ من الحنظل على شاربينه
وفيهم خساره لا بلينا ببلواه=خيشاً على ديرانهم خازنينه
ماجاب يوم إنه مناديه ناداه=لو صاح صياح الضحاوي بحينه
فيهم كما البرميل لاطش بملاه=خربان زيته والعرب خابرينه
ولا نصحته قال انا العلم منهاه=عرفت شيئاً مالعرب عارفيته
خله على خطه الى راس ممشاه=يمشي ليا منه يطب المدينه
اما ربح والا خسر كل ممشاه=وممشى الرجل من دون لازم غبينه
اهب يا قلباً رماني وانا انحاه=متخالفين الراى دنيي وديننه
اقول ياقلب العنا هيه بالله=والا اشتكي لاهل العقول الثمينه
الحق ميزان ومرفوع لله=بين الرجاء والياس ياعرفينه
اما سعيد ومن هل الخير ممشاه=والا شقي ابليس ماسح جبينه
وصلاة ربي عد من حج لله =على نبياً كلنا تابعينه

قصيدة رائعة أخي عواد
الله يعافيك ورحم الله قائلها

عواد الرموثي

شكراً لك على نقل

هذه القصيده ويعطيك الف عافيه

هُــنـا الجزاله .. هُـنـا الشعر وإلا فلا ..

صح لسانك ولسان الشاعر .. حماد التلفيه

قصيدة رائعة أخي عواد


الله يعافيك ورحم الله قائلها

الله يعافيك

اسعدني مرورك

عواد الله يعطيك العافيه

وتسلم يالغالي ... وقصيدة جزله
وصح لسان شاعرها (حماد بن عوض التلفيه ) رحمه الله

دمت بخير وانتظر جديدك