الحضبي السبيعي×الميهوبي البلوي

محاوره بين الشاعرين (الشاعر: محمد بن ظاهر الميهوبي والشاعر :عبدالله بن سعد الحضبي السبيعي)

قال الشاعر : محمد ظاهر الميهوبي

وين عبدالله الحضبي مشاعر له دعن=والرها يبقى رهي للكبود الضاميـه
من ضفاف النيل شوقي تغنى للوطن=للرجال اهل الكرم والمعان الساميـه

رد الشاعر :عبدالله الحضبي

جيت يامحمد وانا في انتظارك يافطن=نلتقي في الملعبه دام هيـه حاميـه
تهت بين اهرامها والغواني غطرفن=عايش في عالم الامه اللـي ناميـه

قال الشاعر :محمد الميهوبي:

نشوة المعنى تغنت على عزف ولحن=رب رميه يالسبيعـي بليـا راميـه
المعالم واضحه والثمن نفس الثمـن=لا تعرج مصرها ولاتجي في شاميه

قال الشاعر :عبدالله الحضبي

والله اني يابن الاجواد عارف كل فـن=ضعت انا بين البطاطس وشكل الباميه
كل من جنب عن الدرب في قلبه سطن=لوعة العشاق ياخوك لوعـه داميـه

قال الشاعر محمد الميهوبي:

لا تعرض دربهن وأنت في واد اللحِن=والهدى وطلعت كرا والعذوق الناميه
ان كان قلبك خضر للمطايا والهجن=تعجبك فجا نحر والصدور الزاميـه

رد الشاعر عبدالله الحضبي:

لا توصف يابو فيصل ترا المجروح حن=الغنج والدلعنـه مـع رفـاع لثاميـه
خص لامنك تذكرت ساعـات الشجـن=من هنوف ودهـا ذبحتـي واعداميـه

قال الشاعر محمد الميهوبي:

الزمن يا صاحبي مابقى غيـر الزمـن=عمت الموضه جميع العـرب متراميـه
لو تشوف الوضع مذهل على رمحٍ وسن=مثل ما قال المثل مـن حياهـا كاميـه

قال الشاعر عبدالله الحضبي :

لا تغير منهجك وانت في بندر عـدن=يابو فيصل كل عين بسوقه عاميـه
الفرس لا طاوعت شد حبلك والرسن=احذر الوضع الحقيقي وعيش احلاميه

قال محمد الميهوبي

:

لا تعذر بالمناهج وخطبة مـن فتـن=والدروب العوج لا تعترض قداميـه
ولا تحاول تخطف الملعبه خطفة ذهن=اعرف جدودك وتعرف جدود أعماميه

قال عبدالله الحضبي:

انت جالس فوق كرسي وفرشك من قطن=فوق لنـش منبسـط حولـك الخداميـه
تلعب الكنكان والضومنه والصن صـن=صارت الخمسين في الحكم أقوى من ميه

قال الشاعر محمد الميهوبي:

كم شربنا من الفناجيل والشاي ولبن=والعرب مشروبها من عصير الغاميه
ما انقفل معنى معي والمعاني لي لفن=والعلوم الطيبـه بالكمـر وحزاميـه

قال عبدالله الحضبي

:

أنت من ربع لهم في الكرم ركن ومكن=تشرب الفنجال من كف شخصْ ولاميه
الله انه يبعد الضيق وانـواع الحـزن=عنك ياللي ساكن حي ابـو تماميـه

قال الشاعر محمد الميهوبي:

أدري انك من هل الغلباء ورجال المحن=نعم فيكم يـا رجـالا لكـم سلاميـه
كم لواعج في ضميرك وعندي كم شكن=من ظروف الوقت يا صاحبي وأياميـه

قال الشاعر عبدالله الحضبي:

ماعليكم زود والمجد من والد لـابن=تكرمون الضيف والجار حسن اكراميه
والظروف الصعبه اليوم توحي بالغبن=وراعي الحب اصبح اليوم ماينلاميـه

وسلامتكم

محمد
محاوره جميله تسلم
وصح لسانك ولسان الشاعر
عبدالله الحضبي

محمد
محاوره جميله تسلم
وصح لسانك ولسان الشاعر
عبدالله الحضبي

تسلم اخوي عبدالله سليمان الوحيشي
وابلغلك تحيات اخي الشاعر والاديب والاعلامي
عبدالله الحضبي السبيعي
ودي ان شعرائنا يخرجون ويحتكون خارج الحدود
للنفع والفائده واتمنى من نقادنا ان يقدموا لنا
مؤهلاتهم الابداعيه التي جعلت منهم نقادا بارزين
والنقد بين الوزن وما الى ذلك
لك الود والتقدير ياغالي

محاوره ممتازه من شاعر عملاق له باع طويل بالمحاورات
ونظم والمعاني الجزله دائم مبدع ابو فيصل

الله يطيك العافيه
تقبل تحيتي واعجابي

محاوره ممتازه من شاعر عملاق له باع طويل بالمحاورات
ونظم والمعاني الجزله دائم مبدع ابو فيصل

الله يطيك العافيه
تقبل تحيتي واعجابي

اخي سالم محمد بن عياده
لك شكري وتقديري واحترامي
ولك شكر اخي
عبدالله الحضبي السبيعي
بالنيابه عنه
يا اخي المبدع ان
وجد المبدع شرواك
شرواك ابدع

أخي ابو فيصل الله يعطيك العافيه انت والشاعر الحضبي السبيعي على محاورتكم الرائعه