يا خال ؟؟

اشرفت رجم يدهلـه راعـي الهـم
عسر طويل شايـح صعـب مرقـاه
منحوف ناحل منطـوي فـوق ملتـم
مدهال من كبرت من النـاس بلـواه
شاهوق شايح مشـرف شامـخ زم
شفق له المشطون لو شان ممشـاه
مرقاه يتعب وانـت عجـل ومهتـم
ومركـاه يطـرب لاتنصيـت عليـاه
في مدهلـن مافيـه للونـس معلـم
غير الوضيحي دالـه فـي شغايـاه
من واهج بمشربك الصـدر يضـرم
يسعـر وشبـاب السعايـر تــولاه
غربيـة قامـت تـهـب وتنـسـم
شبت وقبت وعربـت فـي خفايـاه
تقول يندهلـي علـى الرجـم ياعـم
الغالي اللي مهجـة الـروح تفـداه
والقلب لمـره باقـي الجسـم سلـم
وسجت بي الخطوه على الرجم لرضاه
يطنب طنيب اللي سرى الليل الاظلـم
ولجت مـع الونـه نواحـل حنايـاه
يهوم هومات الظوامـي علـى جـم
قوع وحبل المسنوي مالحـق مـاه
ولجن وقامـت كـل منهـن تـرزم
والعد من دونـه مسافـه ومظمـاه
هـذا الـذي حـد الضميـر وتقـدم
يم الطويل اللـي وصفـت وذكرنـاه
من هاجس كنه على القلـب ينهـم
يابـو هـلا وازا ضميـري مـوازاه
ولعت لجل انـي مـن الهـم ابسلـم
وكويـت بالدخـان ياعـزوتـي داه
شبيتها لمـا غشـي الفلتـر الحـم
واحرقتها والحقت انـا الثانيـه يـاه
علي اوطن ضامـر كـن بـه سـم
سم الحنيش اللـي شنيعـه حلايـاه
ولـو ان مابالجـاش بالعالـيـه رم
هد العنيـده هاجـس القلـب وفنـاه
وشكيت انـا للخـال والخـال يعلـم
وكم واحد مثلي شكـى هـم دنيـاه
ونته بعـد شاعـر وتـدري وتفهـم
وتعرف (يارحـال) قافـي ومعنـاه
بيطـار بحـر مـاه عالجـال يلطـم
وتهدي بفكر حاوي العرف مـن تـاه
هذا وانـا عالوقـت لايمكـن انـدم
دام الذنب تقلط على الـراس يمنـاه
وان جيت ابشرح لك عن الحال واعم
ماينتسـكـر بابـهـا لافتـحـنـاه
شكواي لـك ياخـال حالـي تحطـم
وعزي لمن مثلـي نقـل داه بـرداه
جحـاد للعـلات صـعـب ايتكـلـم
وكل على ماقيـل معـروف مبـداه
ومادبر المولى علـى العبـد يقسـم
الخالق الرازق لـه الملـك والجـاه
وافطن ترا محـد سـوى الله يرحـم
اللي خلق كونـه وسـواه وانشـاه



الشاعر محمد فياض الحويطي

منقول

صح لسانك ولسان الشاعر اللي قالها

صح لسانك ولسان الشاعر اللي قالها

صح بدنك و شكراا على مرورك الطيب .

ابومعتاد يعطيك العافيه على النقل
وصح لسان الشاعر
ولك تحياتي

ابومعتاد يعطيك العافيه على النقل

وصح لسان الشاعر

ولك تحياتي

الله يعافيك و صح بدنك و الله و الله مرورك الحلوا و حبة خشم لك و شكراا .

شكرراا على النقل المتميز ويعطيك العفية