وأكبر خساره للرياضه غيابك ..!

أحمد عايد البلوي ..


كتبها ليلة الخبـــر ..


وهذا هو حال شاعراءنا الاوفياء أمثاله ..

يا شيخ ماهي مسألة شعر وشجون =هذا مصابي لا تظنه مصابك
مصاب كل اللي على الحق يمشون = لا ماابتدا في حضرتك وإنتهابك
إنتَ بطل .. في داخل قلوب وعيون = تقرى مسيرة مجد داخل كتابك
أبسط خساره : بالتأمر يعيشون = وأكبر خساره للرياضه غيابك
لو هو تنافس وبشرف كان يبطون = ما تنفض يدين النوايا ثيابك
صوابك إنك صح والناس يخطون = وكان الخطاء : ليه يتمادى صوابك !!؟
مفتاح ما يركب على أي ( كالون) = يا يلف هالمفتاح يا نلفّ بابك !!!
فكره غبيه !! لكن إبليس ملعون = ومن يرفض الفكره إذا إبليس حابك
والا الحقيقه واضحه لو يشوفون = فم الحسد بوجيههم لا حكابك
هلالهم ميّل غدى مثل عرجون = حسّ اليباس وشاف جنة شرابك
ياشيخ .. بعض الهرج بالبال مركون = إسمع جوابي قبل تعلن غيابك :
تدري نهاية كل بطوله وش تكون ؟؟ = نفس الذي حاصل لحضرة جنابك

الشكر كل الشكر من القلب للشاعر .. أحمد عايد البلوي


أطيب المُــنــى ،،


سلمان العرادي

مفتاح ما يركب علـى أي ( كالـون)

يا يلف هالمفتاح يـا نلـفّ بابـك !!!

صح الله لسان الشاعر احمد ،،

والله يعطيك العافيه اخوي سلمان على القصيدهَ ،،

تقديري وشكرٍيَ لكَ ،،

صح لسان "ابو شهد"



وسلمت يمينك "سلمان العراديّ"





كلمات اعجبتني "تفوح منها رائحـة الوفاء" والولاء" الزاكيّـه،"



رغم بعدي عن " الرياضه"




تقبلي مروريّ

مع اطيـــب المنــى


المهره

صح لسانك يابو شهد
كنت اتمنى ان ارى موقف شعرائنا مع ابن القبيلة
وبحمد الله حقق ابو شهد هذه الامنية فله جزيل الشكر على موقفه اللا مستغرب فهذا ماتعودناه منه
والشكر للاخ سلمان العرادي لإطلاعنا على هذه القصيده

تدري نهاية كل بطوله وش تكـون ؟؟=نفس الذي حاصـل لحضـرة جنابـك

صح اللسانك احمد

وننتظر المزيد من الابداع

ويبقى

الأستاذ منصــور كمعنى أسمهـ,

الرائعـ, ابوشهــد ياخي انت <<أبداااع وجنووون
ابوسالم ياسُكّــر المنتدياااات <<يالذيذ يارايقـ,
.