في غيَابك "شرشف الهم" إلتحفني

السـلام عليكم ورحمَة الله وبركَاته
أوَّل موضوُع لي في الممنتدى أتمنىَ يحوز علىَ إعجابكم ..

*

+

+

الحزن ياكل من بعض زادي
ويلفي مرقدي ..
اتنفّسه ../ واتخيّله ../ واتوسّده ../ محتاج لك
عوّد تراني شــاحبٍ لوني ،، وليلي سرمدي
عوّد بشينك ،، قبل زينك .. بس عوّد قابلك
وان كان ماتدري اشكثر مشتاق لك يا سيّدي
مشتاق لك
مشتاق لك
مشتاق لك
مشتاق لك

لو تقول لي: موت أحبك
مابقول لك: وآنا أكثـر
لا تحبنـي مني أكـثـر
ولا أحبك منك أكثـر

خل حبنا بالتســاوي
ودامه اشعور امتبـادل
في الهوى خلنا انتعـادل

ما ابي اظلـم خفوقـك
لا ولا تظلـم خفوقـي
هذا شوقي قد شوقـك
و انت شوقك قد شوقي
لا ازيـد .. ولا تزيـد
حبنـا ميـزان عـادل
في الهوى خلنا انتعـادل

يوم اقرّب منك خطـوه
لا تقـرّب خطوتـيـن
بالمثل اعشقني واهـوى
ولا تحمّل قلبـي ديـن
ما نبي فوز ، و خسـاره
لو تبي نغيض العـواذل
في الهوى خلنا انتعـادل

بارحل مثـل ضيـفٍ نسـوه المعازيـب
ما صاح له يـوم انكـف وشـدّ صايـح

شدّ الذلـول ومـا لقـى لـه مزاهيـب
يوم الزمن وجهـه عـن البعـض شايـح

أرحـل خلـيّ ٍ مـا عليّـه مطالـيـب
وآخـذ هـمـوم ٍ رافقتـني رجـايـح
:
.
واحسن لي اكتم واجحد الشوق وآغيب
مانيـب ناقـص يـا خفوقـي فضايـح

يعني فـ ذمتك هـذا الشـوق عـادي..؟
عادي يعني ماتحـس الشــوق بـي ..؟؟

غننـي حـزن ِ فـ تنهيـدة "عـبـادي"
أضوني ما اشعر بدونك .. بـِ أي ضـي

كود .. لا نسنس هبوبِ .. من زنـادي
وابتديت أشعر بـِ أنـي صرت .. حـي

:
.
قالوا لي: ابعد واتركه .. هيهاات والقلب ادمنه
دريشته ماجيتها طقيت انا ابـواب الشـرف

ودي اعرف شداخله واربط عنـان الالسنـه
والمشكله كانه خذل هقوات قلبي ماعتـرف

عشقت انا دياره غصب عشقت بعض الأمكنه
لمحت في بعض الحكي لكن خساره ماعـرف

يحق لي بمفارقـه اشتـم قصيـدي والعنـه
قصايدٍ ماجابته .. صـارت قوافيهـا قـرف

يَاا خيّ شِفْني
في غيَابك "شرشف الهم" إلتحفني
حتىَ جفني ..
مِن رحل إصبعك عنه .. مَاا عرفني !
حتىَ "كف الضيق" من غصنك قطفني
صَارت أنفاسي حرايق
كلهَاا يومين وافني
ياخي إرحمني وشفني !!؟

زيف
زيف
زيف
يااللهي صَار هالعالم مُخيف ..!!
مااااا بقىَ إنسان واحد يستحق التضحيَة ...
او يُقـَال: انـَّه شَـريف ..!؟!؟

الخطا : ماهو خطـاك
الخطا: كلـه خطـاي
انت تبخل في عطـاك
وآنا مسرف في عطاي

*
*

شــُوقك اللّي هنيــّا بالحنايا مقيم
ابعد من الحدود، وما حواه اتسـَاع
مثل شــُوق الأمومة في عيون اليتيم
والا لهفة ضرير، لشوف خيط الشعاع

*

تَنْهيدِتك
بَحِّتْك قَبْل سْكوتِك
تدْري عَلى أيْديهاا أنا ألقىَ حَتْفي ..؟

دخيْل ربِّك ..
عَلْ نَبْرَة صوتِك
مابِي تْرَاضيْني ]بْنِقطة ضَعْفي ..!!

*

أوعدك
أوعدك
أوعدك
«والمحبة مو كلام»
اني أهدي لك وفا
وأكوُن في بردك دفا
وأوعدك بـِ إنه لسانك
عُمره ماينطق:
أفاا !

*

وعدتني
أن تبقىَ لي سنداا ً
و ..
كسرتني
وعدتني
بأن تصبح لي صدراا ً
و ..
أهملتني
وعدتني ..
وعدتني ..
ولم تكن سوى َ
طعنة
قصمت ظهري ..!

*

خل احترق منك
خل احترق يا خِل
يمكن يجي لي يوم
منكْ أكتفي وامل ..!!

*

دامك تبي ترحل ..
شرّعت لك بابي ..
وكانك تبيني أودعك
فـ أنا ترى مابي ..
خلاص خلي الصمت
يوصف لك وداعي
ماللحكي هالحين ياحبيّبي داعي

*

ياقلبي يكفي يوم إنك
تبيه يشاركك همك
فتح بابه ولكنه ..
تبسم قال
وش جابك ؟
وذرفت الدمع ياقلبي
وضحك ضحكة و ..
وردْ
بابه

*

وش اللي محرقٍ قلبك؟ ابفهم وشتبي بالضبط ؟
خلااااص استوعب فراقي
أناا مليته عتابك ..

*

هذاا حب بالله عليك ..؟!
لوم
وطعون
وجفاا

لاتقول: آناا أبيك
قول مابيك وكفىَ ..!!

*

تعوّد قلبي المنسي
يعيش بـِ عالمك محروم
ورضيت آكون في "جدول غرامك"
بـِ آخر اللسته

*

*
*

فووووق

فوق الثريا

.

حضور اول رائع .. يجبرنا على متابعه القادم ..

فلا تحرمينا من جديدكِ ..

.

نحن بالانتظار

/

حضور قوي
بكلمات اسمع رنين صداها
حظور قوي
بعبارات داعبت احاسيسي
حظور قوي
يجبرنا على القرآءه دون ملل
حظور قوي
يجبرنا على رفع القبعة احتراماً لك

تقبل شكري الجزيل
وننتظر الجديد

دمت بود

شــُوقك اللّي هنيــّا بالحنايا مقيم
ابعد من الحدود، وما حواه اتسـَاع
مثل شــُوق الأمومة في عيون اليتيم
والا لهفة ضرير، لشوف خيط الشعاع


مشاركة اولى ولا اروع يا فوق الثريا
كلمات رائعه
وتصميمات رائعه
ما شاء الله تبارك الله

فوق الثريا


.

حضور اول رائع .. يجبرنا على متابعه القادم ..

فلا تحرمينا من جديدكِ ..

.

نحن بالانتظار


/

[BLINK]مرحبا[/BLINK] بك في المنتدى بشكل [BLINK]عام[/BLINK] وفي القسم بشكل [BLINK]خاص[/BLINK]