حــــــــــاولتـــــــــ اكـــــــتمــ عبـــــرتي يــــــــوومــ فـرقـــاهـ **

ياويل قلبي كل مااشتقت لقياه
.وشلون ماتشتاق عيني لعينه

أنا أدري إني حيل أحبه وأهواه
وأنا أدري إن القلب صار بيدينه

أموت أنا به في غيابه وأحياه.
وشلون أجل لو صافحتني يمينه

حاولت أنا اكتم عبرتي يوم فرقاه
وألملم جروح الزمان الطعينه

واعطيه من قلب المعنّى معاناه
وآخذ من جروحه ولو هي دفينه

وأضيع به في زحمة الناس وأنساه.
وأنسى معه ذكرى السنين وحنينه

لقيت نفسي كل ما حل طرياه
.عروق قلبي كلها تقول وينه

يامر على قلبي ولا شك ينهاه
كلي أنا تحت الإشارة رهينة

ما كل من يضحك سعيد بدنياه
وما كل من يبكي دموعه حزينه

أحدن بكى .. والكل يدري عن بكاه
.وحدن مع الضحكه تحس بونينه

ياشين فرقى الحب وياشين بلواه
والمشكلة دنيا بلا حب .. شينه

والزين ما يكمل ولو كان ماحلاه
إلا حـبيــــبي ماتغــــــيّر بزينـــــه

ماجيت أسولف عن حلاه ومزاياه
.يكفي أحاسيسي وقلبي عارفينه

كن الفضا في غيبته ضاق مسعاه
وكني غريقٍ ينتظر له سفينه

شف دنيتي ياصاحبي عقب فرقاه
مثل الظلام اللي حصل بالمدينة

باكتبه أنا في صفحة الشعر واقراه
.وباذبحه بزود الغلا دون سكينة

وبارسمَه في لوحة الشعر وانعاه
وبادفنَه بين الضلـــوع الحنينـــــه

بوسط الحشا في داخل الصدر مثواه
إمـــــا يســار القلب وإلا يمينــــــه

بنت الديره
شكراً على أختيار القصيده ذي بالذات
أختيار موفق وحلو جداً
أحترآمي و تقديري

الغاااااااااااااااااادي

تسلمى
على نقل هذه الكلمات الجميلة التى تدل على ذوقكى الراقى
ولكى منى خالص التحية والتقدير

ما كل من يضحك سعيد بدنياه
وما كل من يبكي دموعه حزينه

صح لسآن كاتب القصيــده ..!

التذوق الشعري يكآد يكون اهم من كتآبة الشعر
ولا يقوم بنقل هذه الرائعه سوى شخص يتذوق الشعر
ولديه كعب عالي في هذه الذآئقه الرائعه التي نستشفهاا

هنا لدى اختنا (بنت الديره ) ..!

تقبلي جل تقديري وأرق تحآيآي..!

عبداللطيف
ابراهيم
غـــادي
//
شــــــاكره لكـــم
ع الكلام الجميــــل
//
نورتـــــــــــــــــــــم

ماجيت أسولف عن حلاه ومزاياه
.يكفي أحاسيسي وقلبي عارفينه ..

صح لسآن كآآتبهآ وسلمت يد نآآقلهآآ أشكرك .. شمريه