يـــــــــــا عـــبــــــــــــــــيـــــــــــــد

بسم الله الرحمن الرحيم


هذه قصيده لوالدي
قالها فى احد الجماعه وهو//عبيد بن معين الوحيشي
وهي انه قام بخطبة امرأه من اقارب عبيد وقام عبيد
بالاعتراض رغم ان ابوي كان صديق له فجاب هذه الابيات يعاتبه فيها



البارحه كني من العضم مكسور=العين عيت لاتذوق المنامي
ولاكماونت غريبن ومجدور=في ديرة ماله صديقن يحامي
اقدم الدله على جال دعثور=قالوعلامك قلت واجدعلامي
لاعادانامقدرعلى كل مقدور=صبرت صبر المسدسه بالمضامي
من قيلة فيها محاديروضهور=كنة بقلبي واعدمنه عدامي
وان واجهت يلعب بها كل دنقور=يفرح بزلات الرفاقه اشمامي
من عقبها ياراكبن فوق مذعور=اسبق من اللي باسرع الريش حامي
مافوقها الا الخرج وعذار والكور=زبن الرديف ان قبلن للسلامي
يلفن لبوصياح مع فجة النور=عبيدلاصارت بعدالاسامي
تلقى المبهر بالفناجيل مسطور=وان نوخن قرمن سريع المقامي
قله ترى صاحبك صابر ومسخور=لاجت من اللحيه اليدنا اللثامي
الاوله قولة بناخي ومذكور=الثانيه شيم الرحم والغرامي
ياعبيدماني للمزلات زنبور=ندمح لك الزله ثلاثين عامي
ان كان مالي بالرجاجيل مذخور=ماني عشير مرودعات الوشامي
رجلابلا يمنا عن الشرب مقهور=ولاتهتني كبده بلذ الطعامي
انتم لنا وحنالكم ريف ودهور=لاصاربالديره سموم وعسامي
المدح ماسوى نطاطيق وقصور=والسب مايقصربعيدالمرامي
لاعاداناعقلي من العرف ماطور=ماطوريسحب من غزيرالجمامي
حنا هل الطوله شياهين واندور=ضارين للدسمه وكسرالعضامي
ان قلطو عنهم مراقيب وسبور=ربعي يشدون الضهر والحزامي
دخيلناكنه على راس شختور=غزة لنا البيضا بروس العدامي
وصلاة ربي عدماحنت الخور=وعداد ماغط القلم بالبهامي
على محمد صفوة الخلق مشكور=شفاع للعالم نهار القيامي


عبدالله الوحيشي

مشكور رائعه فعلا القصيده وعتاب بابيات معبره

السلام عليكم ورحمة الله وبركاتة .... وبعد

... أخي الغالي .... الوحيشي

... صـــــح لـــســـــانــك ولــســان والـــــدك ...

... قصيده جداً مؤثره ...

... تحياااااااتي .... فتى بلي

السلام عليكم ورحمة الله وبركاته،،
صح لسانك ولسان والدك
وكما عهدناك مبدع
والى الامام
ولك كل الحب

السلام عليكم ورحمة الله وبركاته

صح لسان ابو زيد

واعطيت العافيه ابوسليمان على هذه القصيده الجميله بس ما قلت لنا بعد وصول القصيده

وافق على الزواج والا ..لا ...

ملاحظه /// ارجوا استخدام منسق القصايد لديك حتى تظهر القصيده بشكل افضل ....ز

تقبل تحياتي .. وان شاء الله ما ننحرم منك ياخال....

الاخوان
موسى ربيع
فتى بلي
يمكن غلا
ابن رويضي

يعطيكم العافيه على كلامكم الجميل ومشاعركم الصادقه

.........بالنسبه لسؤالك يالبناخي فالزواج تم بس بدون
موافقته