الجوهـر النآدر

بسم الله الرحمن الرحيم

أضع بين يديكم هذه القصيدة المتواضعة والتي أهديتها إلى الإنسان العزيز على قلبي : عواد سلامه الرموثي البلوي .. وأنا على يقين بأنها لن تفي ولو على قليل من حقة .. فمقداره في قلبي لاتعبر عنه الآف القصائد

[ الجوهــر النــادر ]

قصايدي كيف اعتبرهن قصايد = لا صار مافيهن قصيدة بـ ( عواد )
حي الرفيق اللي وصوفه فرايد = من طيب راسه جاته النعم تنقاد
نسل الرموث معانقين النوايد = أهل الشهامه والكرامة والامجاد
يابن سلامه ياحزام الشدايد = ياللي على بير الأجاويد ورّاد
كان الوفا في بعض الأحوال كايد = يبطي وهو ماعاز مثلك ولا كاد
و إن كان قالوا ماعلى الطيب زايد = أبو محمد فوق طيب العرب زاد
الجوهر النادر على الكل سايد = وافي من (الوافي) ليا عد الأجداد
واللي فعول الخير عنده عوايد = أكيد من صغره على الخير معتاد
محبوب له بقلوب ربعه وسايد =من حبه الجـّواد حبوه الأجواد
قلته وأنا ماني عن الصدق حايد = شاعر وأغنيها على ساس وعماد
وقصايدي كيف أعتبرهن قصايد = لا صار مافيهن قصيده بـ ( عواد )

أخوكـــم : عبدالله بن محمود المعيقلي البلوي

صح لسانك ولاهنت يالجزل

والف نعم بك وبه ويستاهل ابو محمد صاحب القلب الابيض .

ولك خالص ودي وتقديري

صح لسانك يا أبو لمار
.
وأبو محمد رجل يستاهل كل خير
.
ولاهنت ولاهان أبو محمد
.

الخال ابو لمار
صح لسانك على القصيده الراقيه
الاخ ابو محمد يستاهل المدح ولايهون الاخوان
ومن حصل شي يستاهل
تقبل مرورى

سعودالسحيمي لاهان شانك
وسلم راسك ولسانك
وأبومحمد فرصه لأبياتي كي تنال شرف اسمه
واشكر مرورك بارك الله فيك.

البناخي عزالرفيق
ماعليك زود ونعم بحالك
والرجال الأوفياء شرواكم يستاهلون وزود
أشكرلك مرورك.