احبس ادموعي غصب وافرك يديّه

ابيات كتبتها في التوقيف ولا ابي انشرها بس اصرّ علي بعض الاخوان فنزلت عند رغبتهم
وقمت بنشرها وهي كلمات متواضعه ولا تعتبر قصيده...

في ليال العيد صارت لي قضيه=ووقّفوني بالسجن عدة ليالي
وافقت لاعادها الله بالضحيه=اللي ما كنت اتوقعها بخيالي
ما حسبت احساب عيدي ما عليّه=بس حسبت احساب دمعات الغوالي
نور عيني يا(شذى)يا اغلى هديه=صابني من عقبها مثل الهبالي
وفاتني ضحكة عيون الوابصيه=يوم صبح العيد من قبل الزوالي
اتصبر واحبس اهموم(ن) عتيّه=والله ان همي طغى فوق احتمالي
احبس ادموعي غصب وافرك يديّه=ما حسبت اني قوي ياطول بالي
يالله انك تحفظ الغالين ليّه=تجمع الشمل وتعوّض مامضالي

اخوكم /ابراهيم الوابصي
تقبلوا تحياتي

صح لسانك يابو عايد

وعسى ماتشوف مكروه في دنياك العريضه

(اخطي)|يابوشذى باذن الله وعساك بافضل حال واسعد حال0

قصيدة موقف لها صابعها الخاص في نفس شاعرها0

ودي وتقديري وعظيم امتناني

اخوك /غادي

الله يرجعك للأحبااااب والأصحاااااااب
ولا باااااااااااااس عليك يالغالي

صح لساانك قصيده رائعه

قصيدة رائعةليتك دايم سعيد

صح لسانك يابو عايد

وعسى ماتشوف مكروه في دنياك العريضه

(اخطي)|يابوشذى باذن الله وعساك بافضل حال واسعد حال0

قصيدة موقف لها صابعها الخاص في نفس شاعرها0

ودي وتقديري وعظيم امتناني

اخوك /غادي

الله يعطيك العافيه ياخوي غادي وبارك الله فيك شكرا على شعورك واحساسك الجميل
وعلى مرورك صفحتي المتواضعه تقبل تحياتي