يا رجل سجي

السلام عليكم ورحمة الله وبركاته
يسعدني ان اهدي لكم هذه القصيدة
والتي من ضمنها البيت الذي يظهر في توقيعي
___________________
!
!

يارجـل سجـي بالمرابيـع سجـي= خوذي بهن بالطول مدهل و منهـاج
سجي بروضٍ والنـدى بـه ينجـي= مسقيه بـرقٍ بـاول الوقـت لعـاج
ثالث شهـر والغيـث فوقـه يكجـي=وسيله تزاما مع جهاريـه ثـم راج
وزام وتحدر مـع شعيبـه يوجـي= ماكنه الا النيل مـع شـط سوهـاج
فيه الزهر غـب المطـر يرتهجـي= احمر من الياقوت وابيض من العاج
وعطر الخزاما والنفل بـه يعجـي=وان هبت النسمة صفق مثل الامواج
والـى رقيـت النـازح المبرهجـي= رجمٍ على كـل المراقيـب منبـاج
والورق حسـه فـي جنوبـه يلجـي=ويشرف على روضٍ تقل فرش ديباج
ارخي انظار العين مع كـل فجـي= حتى يهيض من الحشا كـل مـالاج
روابـعٍ مـع بـاب قلبـي تهجـي=ويفتح لهـن قلبـي ثمانيـن مـزلاج
تقفـي وتقبـل بالضميـر وتخجـي= بين الحنايـا كنهـا شعلـة سـراج
دنياك هذي مبلشـة يـا بـن حجـي=تعطي زباد بكـف وبكـف كربـاج
وحروفهـا مـا تنقـري بالتهـجـي= وان عاكست ما فادها طب وعـلاج
ايـام فيهـا امطـار وايـام عجـي=وايـام بيـن وبيـن مافيهـن انتـاج
احدٍ ضحك واحدٍ دموعـه تزجـي= واحدٍ رقد واحـدٍ رقـاده تغمـلاج
واحـدٍ زمانـه مقفـيٍ مستهـجـي= واحدٍ زمانه مقبلٍ ضاحـك حجـاج
دنيا جبـال الارض منهـا ترجـي= عندك خبرهـا نشفـت بيـر هـداج
يـا شينهـا يـوم انهـا تستلـجـي= لولا ولي العرش يفـزع بالافـراج
والله من اصحاب المصالـح ينجـي=اهل النفـاق معاونـة كـل هـراج
اهـل الكـلام السامـج المسمئجـي=سـود النوايـا والخفايـا والامهـاج
جنبتـهـم ياعـلـهـم للـمـدجـي=ماني رفيق اهل النمايـم والاحـراج
مـادام انـا لله صومـي وحـجـي= مالي ومال الخلـق عـدلٍ ومنعـاج

اخي زيدان
ماذا عسانا نقول امام هذا الابداع
بدون اي مجامله
هذا الشعر و لا بلاش

لا فض فوك

السلام عليكم ورحمة الله وبركاتة ... وبعد

... أخي الغالي و شاعرنا ... زيدان البلوي ...

... صــرخــــة في الظلام ....
هنـــا الشعر ...
هنا الكلمات العذبه ..
انت يا زيدان البلوي ..
عـــمــق في الشعر وأصــــوله ..
.
.
ما أجمل الأقلام ..عندما تـتـنفس بأيادي ( المبدعين ) ...
نشعــر عند قراءتهــا ..بأنها كــُــتـبـــت لنقول :
هكــذا الشعر ...
.
.
هذا نص كبــيــر ...
والرد عليــه سيكون صغيــر مهما كتبت ...
مهـمــا إمتلأ الورق حــبــر ...
.
.

كثيرا ً وكبيرا ً ودائما ً وأبدا ً لك من الشكر مايليق بحجم هامتك الفارعة ..
وكتابتــك البارعة ..
وقلم الراقي جدا ً ...
.
.
فعلا ً أنا تنفست شعرا ً ..
.
.
شكرا ً يا زيدان على هذه الهديه..
.
.
... أخوك ... فتى بلي

السلام عليكم ورحمة الله وبركاته،،
الاخ العزيز/زيدان البلوي
لااستطيع الاان اقول صح لساااانك
حقيقه قصيده في غاية الجمال
والله يعطيك العافيه


اخوك /////////عبدالله الوحيشي

القلم المتألق
وصاحب الحبر المدهش
السلام عليكم ورحمة الله وبركاته
تحية معطرة بالورد أهديها إليك

كنت ترسم الروعة هناك
في ذلك المرفىء الجميل
وجدتك هنا أيضا تنسج الروعة
وتبهرني بهذا الحضور المتوهج
وبهذه اللوحة الرائعة
فقلمك يصافح التميز أينما حل
له بريقه المدهش
وشعاعه المميز
ها أنت تسافر بنا
صوب واحات التألق
من خلال ما نثرتي من حبر هنا
لله درك
دعواتي الدائمة لك بالتوفيق والنجاح
تقبل أرق تحياتي مقرونة بالورد
مـــــادام انـــــا لـــلـــه صـــومـــي وحـــجـــي"
" مــالـــي ومــــال الــخــلــق عــــدلٍ ومــنــعـــاج
أخوك
يمكن غلا

معهود عليك الابداع اخوي زيدان ..



سؤال للمشرفين لمذا لم يضف شاعرنا زيدان في قائمة ما تم توثيقه ..