خربوك الله يخرب بيتهم......

ياحادي الحلم .. .
عندي مانقص [ قدرك ] ،
في البال تبقى /
وهـ النسيان ..
مو حولك !

لازلت واقف بـ وجه الريح ..
و ( أنتظرك ) ،
لو كنت عايش شعوري ؟
طحت ،
من .. . طولك !


إفترقنا ..
وإنقطع حتى السلام !
إنت متغيّر علي من ..
جيتهم ،
أدري مو منّك حبيبي هـ الكلام
[ خرّبوك ] !
الله يخْرِبْ بيتهم :
من يفسر حلم تاليه " الخصام " ؟
ليتني مانمت .. .
وإلا ليتهم !
طيّحوك شلون من عيني ؟
- حرام ..



كل جروحي النايمه /
صحّيتهم !
السما صدري يا أسراب الحمام ..
يا حسافه .. طرت ،
من طرّيتهم !
ألفظ أنفاسي ..
ويخنقني [ ملام ] :
هم هذول !
إللي علي بدّيتهم ؟

السنين عجاف وأيامي ~ سقام ..
________ و الدموع [ تطيح ] ما ردّيتهم ،
كان حلمي .. لابس ثياب الظلام /
________ وأدري مو واقع .. . وما حبّيتهم !

كان حلمي .. طفل في حزة فطام ،
________ وداخلي أشياء لك .. خلّيتهم !
كان حلمي .. إنك تخون الغرام !
________ وإللي أكره [ طبعهم ] ، أغليتهم !
كان حلمي .. يوم عن مليون عام :
________ والثواني < تشِيب > لو / عدّيتهم ..

كان حلمي .. فيك يا عالي المقام ،
________ وقمت أخاف الحلم يخْرِبْ بيتهم !
كل من بـ قلبه شقى الليله ينام ،
________ إلا أنا .. عيوني عليك ~ أبكيتهم .

إنت إيدك " كريمه " ماترد الطعون /
وآنا قلبي يردد ... { المسامح كريم } :
تدري ماكنت أحاتي لاتطيح العيون ،
خوفي لاتطيح منْها إنتْ والله العظيم !

عزيزتي تؤم الشيد بكل ماتحمله الكلمه انتي مبدعه ..

تروووق لي صفحاتكـــ سلمت اناملك الذهبيه لاعدمناها




انتظر جديدك بكل شوووق وشغف

يعطيك العافية كلمات رائعة

يعطيك العافيه

إنت إيدك " كريمه " ماترد الطعون /

وآنا قلبي يردد ... { المسامح كريم } :


تدري ماكنت أحاتي لاتطيح العيون ،


خوفي لاتطيح منْها إنتْ والله العظيم !

توأم الشهيد كلمة تاسر القلوب والعقول
كلمات رائعه لايمكن تخرج الا من شخص رائع واكثر من رائع شكرا لبداع

إنت إيدك " كريمه " ماترد الطعون /

وآنا قلبي يردد ... { المسامح كريم } :

تدري ماكنت أحاتي لاتطيح العيون ،

خوفي لاتطيح منْها إنتْ والله العظيم !

توأم الشهيد كلمة تاسر القلوب والعقول
كلمات رائعه لايمكن تخرج الا من شخص رائع واكثر من رائع شكرا لابداع