قصيدة الكل يبكيها للحميدي الشمري رثاء بوالدته

بسم الله الرحمن الرحيم


السلام عليكم ورحمه الله وبركاته . .

هذه قصيده لشاعر الحميدي الشمري . . في رثاء والدته رحمها الله . .

كـــل يـبـكـيــهـــا

خايف عليها من الثرى غطاها و الا الحصى حافي اخاف اذاها
اكرم عليها بالكفن يا مطوع بالبيت ضل فراشها وغطاها
اكرم عليه بالكفن هذي امي و شهد عليها في ما عطت يمناها
هذي الضحى واليل يتحرونها هذي السماء و نجومه تنعاها
هذي السوالف مثلنا تبكيها هذي والارض تنشد عن اثر لخطاها
هذي الكبيره كبر هذي الدنيا هذي العظيمه جل من سواها
ابكي عليها مو نهار و ليله و لا سنه تمشي وعد قضاها
ابكي عليها كثر ما شالتني و كثر الحنين الي اختلط بغناها
و كثر الاسامي و كثر من سموها و كثرالنجوم و كثر من يرعاها
ابكي عليها من القهر يا دنيا من لي انا عقب فرقاها
من فتحت عيني و لا خلتني و شوفوا ولدها بالقبر خلاها
هل التراب بوجها ما قصر شفتوا ولدها كيف هو جازاها
لوانها مكاني ما سوتها لاكن اعز عيالها سوها
يا دود يا دود شفها ذابله جنبها انا ولدها
و حاضر وأفداها قطعني هاك الي تبي من جسمي بس الكريمه لا تجي بحذاها
و وصيك امانه قل لها تعذرني و تكفى تروح تحب لي ماطاها
ابيها تغفر لي مثل ما كانت كل خمله منهي بطيبها ترفاها
يالله عساها بنعيم الخالد و عساها في جنة عدن سكناها
يا فضو هذا الكون يا هو خالي يا ضيق هذي الدنيا يا مقساها
يا مر طعم فراقها يا مره ماني مصدق ارجع ومالقاها
و شلون اجي غرفتها ما هي فيها وش عذري السبحتها
ومصلها وش اقول انا الدولابها واذا أسالني مشطها وحنها وعباتها
ومي زمزم ومصحفها والمبخره ورشوشها ودواها الكل في غرفتها
متفقدها حتى الجدار متفطر و يرجاها الكل يبكيها مهو ناسيها
يالله صبرني و شلون انساها ياليتها ياليتها مارحت و خلتني او وسعتي بالقبر ويها


الله يخلي لكم امهاتكم ويطول لكم بــ عمرهم
والله يحنن قلب كل ولد او بنت بقلوبهم قسوه على والدينهم

صراحة قصيده مؤثرة ولكن ما أدري طرحة أو لا وأحببت مشاركتكم بها . .

وأتمنى أن أكون وفق بالإختيار . . منقول .


.

صح لسانك .

وفقت في الاختيار.

يعطيك العافية.

ألف شكر أخوي مطر على المرور

قصيده حزنيه استوقفتني كلمآتهآ .. وسلمت يد كآتبهآ ونآقلهآ ..

تقبل مروري المتوآضع .. شمريه

يعطيـــــــــــك العافيـــــــــــــــة


بــــــو جهــــــــــــــــــاد

قصيدة نزلت دموعي عند قراءتها
ابو جهاد نقل موفق
الله لا يحرمنا من ست الحبايب