أحـــــــوال من حولي

.

.

من بين الأوراق والنصوص ..

يالله ياللي تعلم السر والحال=يامسقيٍ روح الكريم الفضيله
يامِنزل التوبه وفاطر والأنفال=يامولجٍ صبح البنادم بليله
إجعل لنا بفردوس جنّتك منزال=بـ قصور من لؤلؤ عراضٍ طويله
وجنّبنا عن نار السلاسل والأغلال=يوم الخليل يصير خصمه > خليله
وأعوذبك من فتنة الأهل والمال =والشعر ودروب الردى والرذيله
شهرين جالس وأتأمل بالأحول=في شبه عزله عن زماني وجيله
" عين السخط تكشف لك العيب بالحال= وعين الرضا عن كل عيبٍ كليله"
ما تنحجب شمس الحقيقه بغربال =ومن الظلام النور يشفي غليله
الناس تركض > تطرد أشغال وأشغال=وأكثرهم اللي ماش مامن حصيله
والجار مايدري "هل إلْجاره إعيال"!= عام يتعدى مقابله ما يجيله !
وصار الولد لأبوه سمٍ وسلّال = ولرفّقته طيب وعلومٍ جميله
عايش حياته طيش في طيش بهبال=وإبليس ولّع له برأس الفتيله
والطيب بين الناس في دقّ وجّلال=والله ولا ذيك اليدين البخيله
والناس بين أشكال وأشكال وأشكال=إتشوفهم في كل يومٍ وليله
رجّال مرجلته عن الفين رجال=ورجال مرجلته ببيت الحليله
ورجّال يمشي كل ما شاف مدخال=ورجّال مايمشي بليّا دليله
ورجّال ما يوّفي ولو دينه إريال=ورجّال وافي لو ديونه ثقيله
ورجّال همه كيف يجمع له أموال=ورجّال همه من هموم القبيله
ورجّال لربوعه مثل مزن همال= ورجّال لربوعه سواة المليله
ورجّال دايم للثقيلات شيّال =ورجال دايم يحتري من يشيله
ورجّال رأيه تنظرب فيه أمثال=ورجّال رجّرجّه ولا فيه حيله
ورجّالٍ مجنب عن القيل والقال =ورجّال يفرش للسوالف شليله
ورجّال راعي كيف دله وفنجال=ورجّال يفرح لا لقى له بليله
ورجّال نمامٍ للأقوال نقال=ويجيك لأبس ثوب راع الفضيله
ورجّال للغيبه وللشر مقفال=إعلاج عله للقلوب العليله
سبحان من فرّق لنا حال عن حال=وكلٍ على ما قيل يلقى حصيله
وصلاة ربي عد ما هل همال = على رسول الحق راع الفضيله

أحمد عايد


.

حــــــــــجز 1 ..

يا أخي أنت حجزك الأكيد هنا



محبتي يا سلمان


.

ورجّال يمشي كل ما شـاف مدخـال

ورجّـال مايمشـي بلـيّـا دليـلـه

الشاعر النقي / أحمد عايد

يشهد الله انني قراءة قصيده من العيار الثقيل

صح قلبك ..

ودمت في هذا الشموخ سيدي ..

محبتي ..

أسعد السحيمي

احمد ..

متابع لجديدك وقديمك ...

انت من يستحق الإشاده ...

فأنت اهلاً للشعر ومنك يزدان ...

مودتي الخالصه ..

اخوكــ ..

علي البلوي...

ياهلا بالشعر


,

أبو شهد (بثوب الحكمة والأصالة)

صح الله لسانك


لي عودة أخرى

لكن أظن أن هناك خطأ مطبعي يا أبو شهد إذا ماني غلطان /

هنا /(وجنّبنا عن النار السلاسل والأغـلال)

,


سأعود لأقرأ أكثر

,