مثــل الشجــر

.

.

تجيني بعد ما طاحت بيوت الشعر من عيني =بعد ما ضاق بي ثوب الحياه وضاق بي قافي
حبيبي كثر ما أنسى لا أنسى وش حصل فيني =كثر ما تحرج إشفاه السكوت وتبحث الخافي
أنا أخباري على حطة يدين الجرح .. يكفيني =خسرت اللي خسرت من السنين الـ قلبي الوافي
أنا أخباري على سكّة غياب الشوق .. ويديني =تخفّي كل خطوه للرحيل وتدّعي السافي
ابخفي هالطريق اللي تعب يمك يوديني =وأبصرخ لانرسم وجهك على روح الأمل: كافي
تعبت أقلّب أوراق القصيد ورحلة سنيني =ما بين العشق ودروب الغرام وسيرة أسلافي
أنا مثل الشجر واقف .. لا والله وينه وويني =مع المغرب تعود إله الطيور وطاااال ميقافي
طووويل الهجر .. يا صاحب سمو العاده بحيني =كبيره حيييل لا صار الأمل في ساعتك غافي
خذ أحطب .. باااارد إحساسك .. تدفئ لين تحييني =أبي تدفئ ولو تشعل لبرد إحساسك أطرافي
وش اللي بالضلوع العوج غير الصمت يغريني =وقلبي ما كتب كل الكلام اللي على قافي

نشرت القصيده يوم أمس الأربعاء 7/1/1429هـ في جريدة شمس











محبتي


أحمد البلوي



.

أبو شهد

أرجوا أن أكون أول من صافح هذا الجمال هنا

فو الله أنها رائعه رائعه بكل المقاييس

صح قلبك الممطر أحساساً و شعراً

لله درك من شاعر

كان لي الشرف في مقابلتك هنا بالرياض والتعرف اليك عن قرب

كن بخير دائماً

[size=5]منتهى الإبداع المعهود
[size=5] شاعرنا المبدع أحمد عايد البلوي[/size]
[size=5]لاهنت وصح لسانك[/size]
[size=5]أطيب المنى[/size]

[/size]

صح كلك ابوشهد
ولعلمك توي قاريها قبل ساعه من الجريده
مع الاخ سلمان العرادي
اتمنى لك التوفيق


عبدالله

دائما عودتنا على التميز بطرحك

لا اعرف بما اعبر

لا يسعني الا ان اقول لك صح لسانك يا ابو شهد

احمد عايد البلوي

دمت على هذا الابداع والشموخ 0 وفقك الله

وتقبل مروري واحترمي 0