الفكر الضرير

ادري ان الآدمي فـكـره يحـيـر = لا لـفـاه الهـم مـن كـل اتجـاه
في محله طول وقـته يستديـر = لا قدم خطوه ولا خطوه وراه
لا تشـتت كـيـف وده يسـتـنيـر = كـيف يعـرف مبتـداه ومنـتهاه
ما يمـيز بيـن الأول والآخـيـر = ما يميـز وجـه فـكـره مـن قـفـاه
المشاكـل والهمـوم الـلي تـثـيـر = تعترض له في صباحه في مساه
وان سبح في غبت البحر الغزير = الغـرق يسـتقـبله قـبـل الـنجـاه
عزتي له راعي الفكـر الضرير = طرقته صعبه ومكسوره عصاه
دام لا لـه لا قـريـب ولا شـويـر = عـن مراده ودهـا تقـصر خطاه
لو يحطـونه على جـال الغـديـر = ينتهـي عمـره ولا يـروي ضماه
اتخيـل وش يصيـر وما يصيـر = لا نـوى نـيـه حـداه الـلي حـداه
آتخيـل وش يقـابـل مـن مصيـر = الهـلاك ان كـان ما ربي حمـاه
اصعب اللي واجه اليأس المرير = واصعب من اليأس فقدان الحياه
مـالـه الا ركعـتـيـن ويسـتخـيـر = يطلب المعبود في وقت الصلاه
يطلب الـله يلهمه فـكـر البصيـر= يطلـب الـله بـالهـدايـة والـنجـاه
من رجا المعبود من قلب وضمير = الـله المعـبود ماخـيب رجـاه

صح لسانك
وكن واثق بالله أن شعرك جزل وفي غاية التعبير والتصوير
وانا واثق ان وراءهذا التعبير الشعري عقليه فذه تنظر للامؤر بنظره ثاقبه تختلف عن نظرة الكثبر من الاخرين
كما انني واثق ان وراء هالعقليه الجزله أنسان جزل بكل ماتعنيه كلمة الجزاله
ولك مني فائق احترامي وتقديري
تحــــــــــــــــــــــــــــــــــياتي

صح لسانك يالجزل


وهذا الشعر ولا فلا


أطيب المُــنــى ،،


سلمان العرادي

الأخ ابو مشعل الوابصي والأخ سلمان العرادي

اسعـــدني مروركم الكريم ، واعتبر اطراءكم وساماً على صدري

وليس بغريب من اهل الطيب

*

الوآثق بالله

كُلها كُلها لها قرعٌ بالقلب

رآئع وجزل وحكيم

نص صآغته التجآرب وخبرة شآعر

لله درك وصح نبضك

صــــــــــــــح لسانك

ابداع ليس بمستغرب من شاعر مثلك