زايد بن عوده منقره

قصيده للشاعر زايد بن عوده منقره .. وهي تتحدّث عن نفسها ..



( الاخوان المشرفين : إلى الان لم يفرد لهذا الشاعر ديوان ، اتمنى ان توثق قصائده )

يا حسين ليت القلب والله يتوبي "=" ويطيعني لا قلت ياحسين توبه

دايم وهو ممشاه عسر الدروبي "=" لا يقبل الهيّن ولا المشي دوبه

لولا الامل بالله لقيته يهوبي "=" مجنون ماسك في ثناياه ثوبه

لا دك به هاجوس قمت مغصوبي "=" وعلى السهر عيني تصير مغصوبه

وصليت لله كود يغفر ذنوبي "=" في ركعتين الليل ودي مثوبه

وسوّيت لي فنجال بن محسوبي "=" مقدّره يوم اشربه به عذوبه

لا هو بشرقياً ولا هو جنوبي "=" ولا هو شمالياً سماره يشوبه

لونه بلون الشمس عند الغروبي "=" احمر يداخله الصفار بصبوبه

رايحه لا فاح عمّت بصوبي "=" تدل راع الكيف لا مر صوبه

ياحسين قلبي للشقاوه طروبي "=" لا دك به هاجوس ضايق جنوبه

شوف القمر والليل منهن هروبي "=" يجددن جروح مبطي صطوبه

يوم ن بعض الناس سهره لعوبي "=" على برامج دش فيها عجوبه

انا سهر عيني بستري عيوبي "=" اراجع ايامي واخاف العقوبه

واخاف من هرج الملا وإن حكوبي "=" الله ياكم واحد ن شمّتوبه

ولكم تحياتي .. حمدان الفريعي

حمدان الفريعي

هلا وغلا

وصح لسانك ولسان
الشاعر
زايد منقره

وابشر بسعدك الاخوان المشرفين على قسم
ديوان شعراء المنتدى
سوف يلبون طلبك
سلمت ودمت
_________
اخوك
عايد السميري

لا هنت ياعايد عسى الله يوفقك ** توفيق من ربك بكل الحياتي

بارك الله فيك اخوي عايد على مرورك .. ولي الفخر في ذلك

حمدان عبدالرحمن الفريعي

صح لسانك وسلمت يدك لنقل هذه الرائعه

وصح لسان الشاعر زايد عوده منقره

والقصيده بمجرد تنزيلها في منتدى الشعر باسم شاعرها هي توثيق وحفظ حقوق لشاعرها

وبخصوص الديوان مالك الى اللي يرضيك و نطمع بالمزيد من قصائد الشاعر

لك القلب

السلام عليكم ورحمة الله وبركاته
حمدان الفريعي
يعطيك العافيه وصح لسان الشاعر زايد منقره

يعطيك العافيه وصح لسان الشاعر زايد منقره
وتسلم يالغالي
دمت بود