تبغــى الصراحــه ( شـاعر الملـيون ..............!! )

الملف الشخصي · 03-27-2008, 07:40 PM

قبل كل شي ( والرزق على الله )

هي وجهة نظري أنا

واعتقد ان لكل إنسان عقل ويميز الصواب والخطأ

شعاري

ومتأكد أنه سوف يصبح شعاركم في يوم من الأيام

( لاللظلم ياشاعر المليون )

بالنسبه للبرنامج

تبغى الصراحه / مالقيت الصراحه = مـِنـّه / وأنا عايش على آآمال وآآمال
تعبت أدوّر بالحرام .. الإباحــــــه = تعبت أقول إن الضما .. يطرد أللال
تعبت أداوي في فؤادي .. جراحه =كان السبب فيها من الشعر .. موااال
تعبت أساير ( وقت ) مظلم .. صباحه = غنـّا عليه الظلم .. ياله/ يلا/ لال
إمن الغريب .. إن الهزل صار .. ساحه = ساحه .. لها بعقل المساكين .. منزال
بس الأكيد إن الأمر ذاااا .. وقاحه = سايس قديم الوقت .. فارس وخيال
جتنا / ولاجتنا .. بصدق وسماحه = جتنا بقوة ظلم .. والظلم .. قتال
كافي طعون وظلم .. كافي .. إطاحه = برموز وأعلام ٍ لها صيت .. وأفعال
صرت أتسائل وأسأل الشطّ راحه = كيف اللقب مربوط في هدر الاموال؟
كيف البطل يرضى .. بذيك المساحه ؟= دام شربوا دمّ القبيله .. بفنجال
كيف البطل يرضى .. يصدّق نجاحه ؟= دام الطلايب بين تكفا .. ويرجال
تدري وش القصه !! بصوره وإضاحه = قصه حزينه .. توجع القلب .. والحال
أموال تسري إمن الفقارى / برااااحه = لجيوب [ نشوى ] مابها اي .. إشكال
وكيف البطل يرضى .. بذيك المساحه ؟= دام شربوا دمّ القبيله .. بفنجال

أسعد السحيمي

الملف الشخصي · 03-27-2008, 07:45 PM

يعطيك العافية

الملف الشخصي · 03-27-2008, 11:18 PM

صح لسانك مليون
ياسعد وانا ايضا ايدك الراي
وهذا شي لايختلف عليه اثنان
مبدع دائما يااسعد
تحياتي

الملف الشخصي · 03-28-2008, 12:14 AM

الشاعر اسعد السحيمي

صح لسانك

جبتها على الجرح بكل ما للكلمه من معنى

فلك ودي وتقديري وتحياتي

الملف الشخصي · 03-28-2008, 12:57 AM

السلام عليكم

الشاعر المبدع أسعد السحيمي

صح لسانك

أعجبني تطرقك لموضوع (الظلم في شاعر المليون) حيث أنه حديث الناس في هذه الأيام

عندي ملاحظات على هذا البيت:

إمن الغريب ..( إن الهزل صار .. ساحه)

ساحه .. لها( بعقل المساكين ).. منـزال

إن الهزل صار ساحة ؟؟

هنا كأنك تفسر كلمة(الهزل) بالساحة وهذا غير مقبول

والمقصد هو أنه صار للهزل ساحة أو(ساحة الهزل)

لو قلت: إن لـلهزل صار ساحة (بإضافة اللام ل(الهزل) وتخفيف النون في (إن) حتى يستقيم الوزن

عقل المساكين ؟؟

كيف تضيف المفرد على الجمع ؟

لو قلت: (عقول المساكين) لكان أفضل

وهنا يجب أن تعيد صياغة الشطر من جديد

,

أعجبتني أبيات كثيرة منها :

تدري وش القصه !! بصوره وإضاحه

قصه حزينه .. توجع القلب .. والحـال

أموال تسري إمن الفقارى / برااااحـه

لجيوب [ نشوى ] مابها اي .. إشكـال

,

صرت أتسائل وأسـأل الشـطّ راحـه
كيف اللقب مربوط في هـدر الامـوال؟
,
وأعجبني هذا الشطر(تعبـت أدوّر بالـحـرام .. الإبـاحـه)

هذا ماأراه وصح لسانك يا أسعد

.