شاعر وشيخ

ياشيخ انا ويـاك قالـوا مساييـر=إنْـا نـروح هنـاك وهنـاك دوره
هذا صحيح 00أقول دايم مشاويـر=ومن لا يعرف الشور نعطيه شوره
انت العضيد ان صار حشد وطوابير=في نشوة النوماس قطفة زهـوره
مايدروا ان الحمل اصبح قناطيـر=من فعل غانم والمراجـل جسـوره
ياما كسبنا مـع رجـالاً مناعيـر=عل الردي يفداك في حوش سـوره
والحال كانت بين ربـح وخاسيـر=والمكسب الغانـم بنينـا جسـوره
سجل لنا تقدير ضمـن المشاهيـر=باسم القبيله قبلها أخـوان نـوره
في روسنا طنخه وشوشةمغاويـر=والعمر فآنـي والنهايـه قبـوره
عبر الفضاء والبث قْدم الجماهيـر=باسم السعودي والعروبه فخـوره
لأجل الوطن والله دايـم حواظيـر=باسم المليلك اللي ملكنـا شعـوره
ارضاً غذتنا من حليب المصاغيـر=من دونها فينـا مشاعـر غيـوره
شاعر وشيخ اثنين وحكمة تدابيـر=مثل النجوم الساطعه فـوق نـوره
والشعر سبك وحبك ماهو تعابيـر=باسم الوطن والشيخ سجل حضوره
ماهـو كـلام مدوريـن المعاذيـر=هي تشبه الاحرار لمـة إنسـوره
سقها بعد قـدام ضمـن المداويـر=وانا معك لو رحت في سنغفـوره

ابو فيصل

كل عام وانت بخير


صح السانك يالغالي على هذه الابيات التي تسطر بماء الذهب

اعجبني هذا البيت الذي يدل على حبك ووفائك لوطنك ابوفيصل

لأجل الوطن والله دايـم حواظيـر=باسم المليلك اللي ملكنـا شعـوره
ارضاً غذتنا من حليب المصاغيـر=من دونها فينـا مشاعـر غيـوره

ابو فيصل دام لنا قلمك وابداعك يالغالي

محبك

علي بن عايش الرقيقيص

أبوفيصل حياك الله من جديد بعد طول الغياب .. تظل مبدع

صح لسانك على هالدرر

صح لسااااانك يامحمد ظاهر
سلمت وسلم قلمك الشاعري

مع النحيه
-------
سـقـهـا بـعــد قـــدام ضـمــن الـمـداويـر
وانــا مـعـك لــو رحــت فــي سنـغـفـوره
-----
ابوفيصل
بالفعل انت خير من يمثلهم
وقد كنت نعم السفير لنا جميعا
في اكثر من مناسبه
واكثر من دوله عربيه
فلك منا جميعا الشكر والتقدير
شاعر متميز واعلامي رائع
---
تقبل سلامي وتقديري
وكل عام وانت بخير