تعريف العزوبيه وجهة نظر

نبي نعرف العزوبية، يا ترى ما معنى العزوبية؟
تعريف العزوبية/هي المرحله العمريه التي يكون فيها الشاب منبوذ من جميع فئات المجتمع.
تعريف الاعزب:
1.مسكين.
2.مطفر.
3.جائع.
4.مديون من جميع الناس ( الهندي راعي البقاله ، مغسلة الملابس ، راعي المطعم لو يشوفه يقلبه دجاج شوايه)
5.مضطهد.
6.مريض.
7.الملبس ( الله لا يوريك )
8.الريحه ( لا تسألوني عن هذي )

*شقة العزوبية:
1.الصالة:
تلفزيون – اربع طفايات سجاير – ثلاثة رؤوس معسل – ترمس شاهي – 16 بياله من كبه – 22 جريده – خمس دفاتر (مو للدراسة كلها للبلوت )

2.غرفة النوم:
مرتبة نوم ( يسمعون بالسرير ) – فنايل مرميه – ثياب وسخه – مسجل – 200 شريط جلسات – اكياس مطاعم ( شاورما + هارديز + كنتاكي + .................... إلخ )

3.المطبخ:
6 او 7 اكياس بخاري – 10 او 20 قوطي تونه – كورن فلكس ( هذا بالغلط اكيد احد جايبه له ) – اكياس لبتون ( نص المطبخ اكياس لبتون)

*مشاكل العزاب:
•اكثر كلمه يسمعها العزوبي هنا (((((((((( ممنوووووووووع )))))))))))

•إحتفالات العيد: ((((((ممنووووووع)))))))) يعني ما في احتفالات طوال السنه نفس الوضع واذا تبي تحتفل روح للبر لحالك والا طق راسك باكبر جدار.

•دخول الملاهي: (((((((ممنوووووووع)))))))) طيب ليه يعني هم الي بيكسروا الصحن الدوار والا حاطينه للعوايل بس

•دخول الاسواق: ((((((((ممنوووووووع)))))))))) وهذي مره مقهورين منها الشباب لييييه يعني احنا الي نبي نكسر المحلات والا نبي نقضي على البضاعه على العوايل.

يقولون انكم ( مزعجين داخل السوق ) طيب فيه رجل امن داخل السوق واي واحد يحاول يزعج يطردونه برى يعني حلها سهل مره.
ارفع راسك انت سعودي*******غيرك يدخل وانت تنطق برى في البرد

*العزوبيه والقطه :
القطه بفتح القاف وهذا مصطلح في معجم العزوبية يعني رسوم الاشتراك,

القطه هي / كلمه تسبب الحساسيه للشاب الاعزب وهناك انواع متعدده للقطه منها:
•قطة الشقه: ( وهذي ما تكون غالباً قاصمه للظهر ) يعني يبيع سراويله عشان يكمل المبلغ.

•قطة الاكل: ( وهذي لا يسمح لك بتناول أي طعام او شراب إلا بعد دفع قطتك فيها ) كل حياة العزوبيه قائمه اساساً على القطه ( اكل – شرب – نوم – ملابس – كتب – طواقي – شمغ – حتى السراويل )

*العزوبيه والسفر:
السنه فيها 365 يوم ما يعيش الاعزب فيها مبسوط غير 20 يوم بالعربي يعني 345 يوم وهو يجمع الريال فوق الريال عشان اذا جا الصيف يقدر يسافر للخارج.

عاد العزوبي هنا ما يشوف الا الدكاتره الي مضطهدينه او مديره في الشغل الي حايس مريره ولو يكح جنب عائله قالو انت تغازل بناتنا ولا يدري عن شي اسمه حنااااااااااااااااان.

واول ما يوصل برى ويشوف العيشه ما يصدق!!!!!!!! وتضيع علومه واي وحده تقابله وتقوله احبك يصدقها!!!!!!!!!! ويأمنها على كل شي وما يدري عن بكره الا وهو مطفر ( على الحدييييييييده ) !!!!!!!! وضاعت فلوس 345 يوم ولا معه حق التكسي للمطار.

اتمنى أن الموضوع هذا ما يزعل الشباااااااااااااب
عادي عادي !!!!!!!!!!!!
هذا الواااااااااقع؟؟؟؟؟؟؟؟؟؟



في الحقيقه هذي بعض المعاناه اللي نعانيها

السلام عليكم و رحمة الله و بركاته

اهلا و سهلا بهالطلة ....

امير الصرقعه اشتقنا لك و لمواضيعك


لا تسألني عن العزوبية الله لا يوريك

سنوات قضيتها في الرياض اتقلب بالنعيم العزوبي الذي ذكرته في مقالك و اشد بعد ..
:roll:

شكرا لك على موضوعك الطريف

4.مديون من جميع الناس ( الهندي راعي البقاله ، مغسلة الملابس ، راعي المطعم لو يشوفه يقلبه دجاج شوايه)
//
.الصالة:
تلفزيون – اربع طفايات سجاير – – ترمس شاهي – 16 بياله من كبه – 22 جريده – خمس دفاتر (مو للدراسة كلها للبلوت )

2.غرفة النوم:
مرتبة نوم ( يسمعون بالسرير ) – فنايل مرميه – ثياب وسخه – – – اكياس مطاعم


والله انك صادقـ,

يا راااااااقل إرحمنا بأه!! الله .>>عزوبي توه صاحي من النوم !! اليوم مو مداوم >استراحة من المستوصف!