جزل القصايد للشاعر سعود بن كايد

هذه القصيده اهداء
للشاعر زياد حمود اللوط من الشاعر سعود كايد العصباني
ومناسبها بأختصار
عندما طلب الشاعر زياد حمود اللوط من سعود بن كايد قصيده من قصائده
لوضعها ضمن ديوان لمجموعه من الشعراء وبعد وقت قصير
قدم له شاعرنا سعود هذه القصيده

يحتارمن يختارجزل القصايد=ياصعبها يازياد لاصرت قصاد
عندك عتيقاتٍ وعندك جدايد=متخالطات الطيب والمسك والكاد
مثل البروق بمرزمات الرعايد=تبدا بغرة كل مزنه وتنعاد
تمشي على حكم الظروف الضدايد=تنزل بمنزال ٍ وتصعد بمصعاد
مع هاجسي هي الخوي والسنايد=دلو ٍ وادلي به على كل ميراد
لاعرضن مثل الخيول الشرايد=احترت احدد سابقتهن مع الماد
وشلون اخص ومرضي الناس كايد=والقافيه يلقف لها كل نقاد
يازياد زاد الحرف والغرف زايد=الشعرهيض وغيض والفيض له واد
دوك العلوم الصاملات الوكايد=واترك تصانيف" لحاقد وحساد
منك نتعلم والتجارب فوايد=ومن لاعتبربالوقت لاعادلاعاد
خله عسى ماله من الناس فايد=دامه على فعل الخطا دوم ينقاد
غلطة زماني بوح بعض السدايد=والحب كتمانه على شعرة زناد
والشعرماقوله بليا نشايد=إلا لراع العرف لاصار نشاد
شرواك ياراع الجزال الفرايد=عن جمعة الشعار وين انت يازياد

اخوي بندر المســــــــــــــــــــــــــــــــــاوى
اتيت هنا لتقديم الشكر لك وللشاعر العزيز سعود كايد البلوي وصح لسانه
على هالرائعه ويستاهل للوط اجزل المعاني واعذبه بلغهم سلامي وتحياتي
ودمت يابندر بكل خير وعافيه00

[MOVE="up"]

[U]بندر المساوي الله يعطيك العافية وصح لسانك و لسان الشاعر الكبير سعود بن كايد العصباني .[/U]

[/MOVE]

والف نعم بالشاعر زياد بن حمود والشاعر سعود بن كايد
وصح لسانه على العذبه

بندر المساوي يعطيك عافية أخي الكريم
وصح لسانك ولسان الشاعر

نشكرك يا بندر على هذا النقل الرائع عن الشاعر المبدع والمتألق سعود كايد احسنت وحٌسن الختيار يدل على الذوق الرائع