غـــــــــــــلا المهــــــــــــور00بقلم الشاعر ابو خالد

هذه قصيدة الوالد 00
الشـــــــاعر| محمد عوده حامد الزوين البلـــوي

يالله انك تكافينا بلاوالشرور
نطلب اللي خلقنارحمته مع رضاه

تستر الحال في يوم الجزا والنشور
تحت رحمتك ياقاضي تقاض القضاه

ياشيوخ القبائل راجعو بالمهور
انظرو للفتاه ثم انظرو للفتاه

كم عنوسه يقولو جالسه بالخدور
والخطا ياقبائل قول منهو الخطاء

كود معكم عداله كود معكم بصور
حلو الوضع مابين الفتا والفتاه

العريس اكسرو ظهره ثلاث كسور
والظهر لنكسر معروف صعب دواه

تعرفون الكسور وتفهمون الامور
والكسور لابغيتم فيديكم دواه

التكاليف صارت علتآ بالنحور
طالب البنت حطو فوق راسه حصاه

من يشيل الحصاه ومن يسد الثغور
افزعو لضعيف قبل يوم الوفاه

خففو بالكلايف خففو بالمهور
ياعسى اللي تقوله تقبلونه ياعساه

منهو اللي على دينه وبنته غيور
لاتضيع الأمانه من يدين الولاه

خافو من الدواير دايرتها تدور
خافو اللي عليكم معتلي في سماه

انظرو ياقبائل ماضياة العصور
يوم بعض الأوادم مايحصل عشاه

وصبح اليوم شيخ وفي مقامه فخور
ماحمد ربه اللي من نعيمه عطاه

يتباها بعرسه والتباهي فجور
لاط خمسه من البل ولاط خمسين شاه

وين يرمي الطعام اللي بالقدور
ينثره بالزباله يوم محد كلاه

العريس المخضرم بعد عرسه ثبور
طالب الدين جابه للحقوق وشكاه

بعد شهر العسل للسجن مخفور
كل شاكي يدور حقه اللي عطاه

الدواير على راس الضعيف تدور
وده الخير لكن جاه حوت وكلاه

حسنو بالزواج حسنو بالمهور
قاله المصطفى وامشو على اللي مشاه

والجزا تاجدونه في لحود القبور
يوم كلآ يدور حسنتآ للنجاه

ذي نصيحه لكم وانتم عليها حضور
اسمحونا بخطانا الصلاه الصلاه

سلمت يمينك يابو خالد كفو والله ايه هذا اللي نبيه وان شاء الله يسمعونك شيوخ القبايل ياشيخ الزونه

ياشيوخ القبائل راجعو بالمهور
انظرو للفتاه ثم انظرو للفتاه

صح لسان الشاعر محمد عوده الزوين

قصيدة بمكانها


حسنو بالزواج حسنو بالمهور
قاله المصطفى وامشو على اللي مشاه

صح لسان الشاعر