لا لا لا انت غلطان .....

السلام عليكم

وصبحكم الله بالخيـــر جميعاً

صراحه عندي موضوع بسيط ورافعٍ ضغطي

ولايخلوا منه بيت من بيوتنا



لابد في كل بيت تلقـــى شخصين

شخص يموت بشي اسمه اعتراض

وشخص يموت بشي اسمه فلسفه


اما الاول فهو يعترض لمجرد الاعتراض

يعني احنا اليوم الجمعه تقول له بكره السبت يقول لا لا لا انت غلطان بكره مو السبت
وتحاول تقنعه بالتقويم والا تحلف له مستحيل يقتنع وتصحى وتنام وهو ما اقتنع ولا راح يقتنع

الشخص الثاني الفيلسوف
هذا شخص تقول له بكره السبت
يقولك ياحبيبي اليوم الجمعه وامس الخميس وقبله الربوع وقبله الثلاثاء وبكره السبت وبعده الاحد
ولو تحسب ايام الاسبوع تلقاها سبعه وبعد الجمعه السبت



والمصيبه لو جلست مع هالشخصين بجلسه وحده قسم بالله ان تطلع روحك



عاد بقول لكم سالفه لواحدٍ غالي علي وكنت دايم اقول له اترك الفلسفه << يضحك وهو يكتب الموقف


انت بتذبح نفسك وماسمع النصيحه

ويوم يخرب عندي الكمبيوتر المكتبي
واوديه وطلع فيه مشكله بقطعه كبيره الظاهر المروحه وملحقاتها << ناسي اسمها

واوريه ياها واقول شفت هالقطعه محروقه قسم بالله شي يقهر
وقلت كم تتوقع سعرها
قال هذي مكلفه انا اعرفهـــا ومستحيل تتصلح و احمد ربك انك كشفتها قبل مايصير شي

اخر شي طلعت قطعه بـ 45 ريال ومافيها شي اللهم مشكله بسيطه جداً
ووينك يالضحك قسم بالله ياشارع خمسين ذاك اليوم شهدت طيحت وجه لأحد الفلاسفة




اما سالفة لشخص اشتهر عنه العنااااد

فيقول احد كبار السن وفقه الله يعتبر من شباب العصابين << عمره حول 40
راح يمر احد كبار السن وعمره بـ اوائل الستينات << هذا الشخص مشهور بعناده

واتقهوى عنده وسأل الشايب الشاب كم عمرك ؟
قال له 40
قال الشايب لا عمرك ماهو 40 مستحيل
وهذا يطلع بطاقته ويعطيه العمر ومازال خوينا رافض
الرجال دق على امه قال انت مزورين بعمري شي والا ناسيني سنه محد تذكرني
امه تقول والله على طول سجلناك

ومن ذاك اليوم والى الان وذلك الشخص مازال مصر ان خوينا عمره اكبر من 40



وللامانــه تكثر مثل هذه الاشكال في مجتمعاتنا وخاصـــه

في المشبـــات


ولكن هذي الفلسفه وهذا العناد

هل هو لأثبات الذات
او حباً للفلسفه او هو هوايه ؟



او شوفوا لكم صرفه فيهم


نستودعكم الله اللحين بيأذن الفجر

اسئل الله لكم جميعاً التوفيق والسداد وان يوفق العصابين ليرتقوا الى القمه في الدنيـــا

وان يجعل الله منزلهم الفردوس الاعلى في الاخره


وسامحونا اذا اخطينا على احد

ههههههههههههه

والله انت صادق الفلفسه هاذي لازم

الله يكوون بالعوون

يعطيك العافيه اخووي

ولك مني كل الود والاحترام

ودمتم بحفظ الرحمن

العناد سم قاتل للروقان
والفلسفه سلاح يدمر لقبول الراي بطريقه مختلفه
..
كثير مانلاقي هالصفتين في اغلب الناس
الله يعينهم
كانت لي صديقه من كثر عنادها صاارت تعاند نفسها<< بالاخير طاحت فيها
كل الشكر
تقبل مروري

الفلسفه شي جميل اذا كانت بشي انت تعرفه
وعلمي وغيرك يجهله هنا دورك أتفلسف وبسط له
اما العناد فهي صفه
لا وصف ولامسمى لها عندي
واللي يعاند خله اجمل من الكلام السكوت