ردية بين الملك فيصل واللويحان يرحمهما الله

قال الملك فيصل

خابرك تذكر بساتينٍ ثمرها الورد والهيل

هو حاضرٍ نفعها والا متى حتنه يصيري

بالحيل بالحيل يالويحان انا مشتاق بالحيل

ليتك تشاور لنا الوقيّف كوده يستخيـري

*



قال لويحان

من حال هاك البساتين النظيفة علّها السيل

يقودني صوب حلو اثمارها خيط الحريري

وقيّفها يا وسيع المعرفه ما يفهـم القيـل

تثور بندق قليل الفود في وسط الجفيـري

*

قال الملك فيصل

انا احسب انك على اللزمات بالقالات حلحيل

تسعى لنا في طريق البيع والناقد بصيـري

حنا الى من شرينا يحضرونك حزت الكيـل

وتشوف بالعين يا مشكاي ما قلبك غريري

*

قال لويحان

والله ما في يدي قوة ولا حيلـة ولا حيـل

حيث ان حبي الى شافوك يمضونه شعيري

من طرد الصيد يذبح بالجفار وبالمغازيـل

واللي يجر السرايا للعـدى لازم يغيـري

*

قال الملك فيصل

الى غزينـا عليهـم فانـت قيـدوم الدواليـل

صيّور ما نلطم الخصميـن بالحـد الشطيـري

ويش انت خابر يوم انك جبت لي بعض المناديل

تقول هذا مليتـه مـن زهـر بستـان غيـري

*

قال لويحان

والله فلا ابغى فزوع ولا جرود ولا محاويل

الناس في حكم رجالٍ على العالم خطيـري

ما ظن به كهربه تجذب كما يجذب التيـل

والا فلا صار شي اولا بعد قر القريـري

*

قال الملك فيصل

لياس تيّس ولو صارت عواكيس وغرابيل

صيّور ما يحمد المصباح سرايٍ يسيـري

الناس وقت الصرام كرام في كل المحاصيل

واليوم نبغى كرمكم يوم جا وقت العصيري

*

قال لويحان

تـراي اميّـز المخـراج قـدام المداخيـل

بحال ابا اخشرك وبحال ترى منتب خشيري

خادم وحامل سلاحي مالنا بالعـدل والميـل

ولا يخاشر سلاطين الملـوك الا الوزيـري

منقول

يعطيك العافيه لاتحافنا بهذه المحاوره ..

يعطيك العافية

الله يعطيــكـ العافيـه ،،،،

الله يعطيك العافية