سالفة رمضان قديمآ

سالفه و طُرفه رمضان عند البدو في القدم ..وهيه من سواليف الجدات حتى لا يساء فهمها ..يحكى انه في فيما مضى من الايام.. كان لرمضان عند البدو انه له مكانه خاصه وهو من اعظم الاشهر واقدسها عندهم. ويعدون العده لموعد قدومه. وهذه سالفه وطرفه تقال عن البدو وهو ان احدى العربان كانت تقيم في الصحراء وقرب رمضان ولم يعرفوا متى موعده. وارسلوا احدهم الى احدى المدن ليجيب لهم علوم رمضان؟؟ واعطاه كل واحد من البدو فلوس حتى يجيب لهم علوم رمضان..وذهب البدوي الى سوق المدينه يسأل عن تاجر عنده علوم رمضان. وشافه احد التجار الخبثاء...وقال سأضحك على هذا البدوي الساذج وقال له: تعال يا بدوي انا عندي علوم رمضان.. الحقني .. واخذ منه الفلوس وقال له: اسمع يا بدوي سأضع لك علوم رمضان في شوَّال واحد وجاب الكيس وكان عنده منحله بها نحل كثير.. وحركها في عود طويل ووضع الشوال على باب المنحله ودخل الشوال اللآف المؤلفه من النحل ومن غير ان يراه البدوي .. وربطه وقال له :احفظ ولا تخالف ما اقوله لك؟؟ عند فدومك على عربك نادي عليهم واجمعهم في ساحه بين بيوت الشعر وقول لهم يا جماعه معي علوم رمضان ..ولكن اقول لكم : مثل ما اقول قولوا ومثل ما اسوي اعملوا.. وقوم قرب الشوال من رأسك وفك الرباط شويه شويه وحط رأسك في الشوال ..وبسرعه اربطه ربطه قويه لا تنفك ..حتى يأخذ كل واحد حقه من علوم رمضان.. وكرر عليه هذا الخبيث القول عده مرات حتى حفظه.. وقال له الان سير يا مبروك الى ديرتك. ورجع هذا البدوي وعندما اقبل على العرب ..صارت النساء تزغرد والرجال يطلقون النار في الهواء احتفالآ بعودته سالما غانمآ. وصار يمشي مختالآ بينهم مثل الديك الرومي.؟ وقال لهم : ابشروا يا عرب وقولوا مثل ما اقول.. واعملوا مثل ما اعمل. وقالوا له : لا يهمك لعيناك؟؟ وقام هذا البدوي بفك الشوال حسب التعليمات ووضعه بسرعه في رأسه وربطه ربطه صعب فكها؟؟ وصار يقول : يا ناس هذا دبر؟؟ وصار البدو يقولون وراه : يا ناس هذا دبر.. وقال لهم : الدبر يا ناس اكلني؟؟ وهم يرددون الدبر يا ناس أكلني؟ وسكت له شويه وقال: يا ناس انا قاعد اموت؟؟ وقالوا مثله يا ناس انا قاعد اموت؟ حسب ما قال لهم. وبعد شويه مات هذا البدوي وارتمى على الارض . وقام البدو وانبطحوا على الارض مثله. وطول وهو مرتمي على الارض... فقال احدهم لصاحبه : كأنه اخذ علوم رمضان لحاله ولا يريد ان يعطينا منها شيء؟؟ فقام الاخر وصار ينتخي ويقول : افا انا اخو فلانه..؟؟ وسحب الشبريه (الخنجر) وضرب به الشوال وشقه. وخرج النحل الاف مؤلفه من الشوال.. وصار البدو يصريخون .. وصار كل واحد فيهم اقل شيء وراه اكثر من 50 نحله وتشتت البدوان في الصحرى والقفار.. وصار بعضهم يسأل عن بعض .واحدهم يقول : يا سالم وين سليمان؟ .فيقول له سالم : والله سليمان شارد وعلومه وراه..!!؟؟ و هذه من النوادر التي تقال عن رمضان عند البدو.. وان شاء الله تكون اعجبتكم .. والى اللقاء.

شكرا لك ماجد سليمان البلوي

الله يزاك كل خير اخي عبد العزيز سعد العرادي على مرورك الكريم ولك تحياتي اخي