سراب الصفوه

الهرجه اللي ضيقة صدر ابو زيد
هزلة مقام ولارجينا عوضـــــــــها

نخــلي الــشينه لروس المقاريد
واهل الوفا نركض ونقضي غرضها

الصد بوجيه النشاما مناقــــــيد
والناس عارفتن طبايع بعضـــــــها

زملا تشيل حمولها كنها الحـيد
وزملا تعف صفاحها وتعرضــــــها

وشعيل هام الدرب ويحده القيد
جار الزمان وحملته مانهضــــــــها

طبايع الايام من خلقت البـــيد
مثل الذلول اللي تواما اغرضـــــها

ان اقفت الدنيا تساهيلها كـيد
سرب لالا ماشرب معترضـــــــــها

وان اقبلت لو ماتدل المواريد
تسقيك من روب الحليب ومحضـها

يعني الى زانت تدر ولها ديد
والا تجند من يون ا لمرضــــــها

الشاعر /سليمان حمدان الجبيل (ابو يوسف)

اخوي ابو يوسف

صح لسانك على هذا الشعر الراقي

وليس غريب عليك الابداع فالكل يطرب لشعرك

صح لسانك قصيده رائعه وكاتب مبدع

صح لسان وقلب الشاعر الكبير سليمان الجبيل
ونسأل عن أحوالكم يابو ماهر ومقصرين والله في حقكم
عساك دايم بصحة وعافية وهنا بال

بسم الله الرحمن الرحيم

اخي الكريم:الله يسعدك كما أسعدتني

قصيده اقسم بالله مقرها القلب مباشره

تقبل ودي وتقديري

لا هنت يابو يوسف شاعر مبدع وقصيده جزله