... الطيـب ماينشــرى بفلـــوس ...

/





/

البارحه دكـّني هاجوس = زوّد على القلب دقاته
مايشتكي غير من حاسوس = من بين الاضلاع كياته
عكـّر مزاجي وحاسه حوس = والهم ّ لله مشكاته
صبري قضى لو نسوسه سوس = والقلب ياكثر علاته
هَبيت ياحظي المنحوس = أزريت من كثر شوماته
عليك يازاهي الملبوس = شفت الموده بنظراته
ارسلت يمه ثلاث عسوس = لا جابو وده ولا هاته
الحبل من يمهم ممسوس = صعبت على الحل عقداته
الحل عندي بخمس دروس = بعلم ربي وبآياته
ندعي على الظالم الماجوس = بأعماله وكثر سياته
ماينمدح بالعرب دنفوس = اللي على الناس ماذاته
ودك تحطه مع المركوس = يقلد صوته ونبراته
العدّ ماتقارنه برسوس = تقضي عن الورد شرباته
والطيب ماينشرى بفلوس = لاصار مالطيب عاداته
راع الوفا يكسب الناموس = بأول شبابه وشيباته
عساه في جنة الفردوس = في دار الانعام مثواته
والناس ماتجحد المدسوس = لابد مايبين بأوقاته
لاترافق الصاحب الملـّوس = ينكرك لاقضيت حاجاته
إحترت في وقتنا المعكوس = من يوم قلـّبت صفحاته
تصغربه روس وتكبر روس = والوقت ياشين دوراته

للوالد الشاعر / ابراهيم صالح السحيمي

اي بالله يابو ريما الطيب ماينشرى بفلوس


صح الله لسان والدك الشاعر العلم . . إبراهيم الصالح السحيمي


قصيدة من ذهب يابو ريما

أطيب المُــنــى ،،

هَبيـت ياحظـي المنـحـوس

أزريـت مـن كثـر شوماتـه

صح لسان الوالد

اسعد

/

/

البارحه دكـّني هاجوس = زوّد على القلب دقاته
مايشتكي غير من حاسوس = من بين الاضلاع كياته
عكـّر مزاجي وحاسه حوس = والهم ّ لله مشكاته
صبري قضى لو نسوسه سوس = والقلب ياكثر علاته
هَبيت ياحظي المنحوس = أزريت من كثر شوماته
عليك يازاهي الملبوس = شفت الموده بنظراته
ارسلت يمه ثلاث عسوس = لا جابو وده ولا هاته
الحبل من يمهم ممسوس = صعبت على الحل عقداته
الحل عندي بخمس دروس = بعلم ربي وبآياته
ندعي على الظالم الماجوس = بأعماله وكثر سياته
ماينمدح بالعرب دنفوس = اللي على الناس ماذاته
ودك تحطه مع المركوس = يقلد صوته ونبراته
العدّ ماتقارنه برسوس = تقضي عن الورد شرباته
والطيب ماينشرى بفلوس = لاصار مالطيب عاداته
راع الوفا يكسب الناموس = بأول شبابه وشيباته
عساه في جنة الفردوس = في دار الانعام مثواته
والناس ماتجحد المدسوس = لابد مايبين بأوقاته
لاترافق الصاحب الملـّوس = ينكرك لاقضيت حاجاته
إحترت في وقتنا المعكوس = من يوم قلـّبت صفحاته
تصغربه روس وتكبر روس = والوقت ياشين دوراته

للوالد الشاعر / ابراهيم صالح السحيمي

أسعد السحيمي

تسلم منقول رائع جدااااا

وصح إلسان المبدع أبو سعود

صح لسان الشاعر / ابراهيم السحيمي .

وتشكر على النقل يا اسعد