ياعبدا لله مناحي اقلط لاهنت

نبــدا بذكــر اللــه وابليـــس ملعــون=ماطاب ذكـرٍ دون ذكر الجـلالي

رب ٍ كـريــم وعـالـــم ٍ كـل مـكــنــون=عالـم خفايـــاها بســود اللــيالي

لاشك خاسـر من طـلب غيره العـون=زاد الخســارة في ظلام وهيــالي
وان جيت ابا أسطر من القاف موزون=مرسول للي من زعام الرجالي
ماهـو قصــــور ٍبالبقــــية ولا هـــون=لكن للعِــشرة تركــت المـــجــالي
رجال طيـــب والوفــا فيــه مـخــــزون=يكفي قـبايل نجد واهل الشــمالي
عرف ٍ وطيب وفيه حشـمة وقـــانون=وش عاد يبقى من صفات الكمالي
فيه الكرم ولســـان للحق مرهـــــون=وفيه التقى والعقل زين وجــمـالي
وفيه الشجاعة من يعادـــيه مغبـــون=وفيه التـواضع لو رقى كل عـالي
يابو علي ماهــي مقاصــيد وظـــنون=جيتـــك تجـــاوبني بقـــدر السؤالي
حيثك فهيم وعارف الزود والـــدون=وش عـاد لاقصرعن الحـال مــالي
لاصار ديـان وطرق بــاب مــديـــون=حقــه وانا ماـني عن الناس غالي
مالـه منـاذير ٍ ولا ينفـــــع الصــون=لاصـــار وقتـــه مايفـيـدك مـــوالي
ياخذ حسابه غصب ماهو على الهون=والعالم الله بعــدها وش جـرالي
يالله ترحـــــم حال طـرقي بلا مـــون=ماغير رحمـــة ربنـــا وش بقـالي
هذا كلام وتــذكرة قــول مــضمــون=ماهـــو كـــلام اللي يحــب الجدالي
وختامها صلوا على ســيد الكــــون=راعي الشـفاعة في نهار الهوالي

السلام عليكم


صح قلبك ولسانك أخوي مسلم


جميل جداً ما جاد به فكرك وقلبك من شعر


نص فيه من الحديث النفسي والاخوي الشي الكثير

كما فيه من التذكير وتأنيب الضمير الشي الكثير




محبتي لك أخي مسلم



وبالنيابه عن خالي / عبدالله مناحي منقره

أفيدك أنه إطلع على القصيده وستجد الرد قريباً بإذن الله
نظراً لإبتعاده هذه الأيام عن عالم الإنترنت ...



لك الشكر على هذا البوح الجميل


أخوك


أحمد عايد البلوي


.

مسلم ..


لك الشكــــر من القلب على هذا النص الجميل ..


بأنتظار رد أبو علي ..


أطيب المُــنــى ،،


سلمان العرادي

اللهم صلي على محمد

صح الله لسانك يامسلم

قصيدة وافية ياوافي

الله يعطيك العافية

ويستاهل ابو علي المدح

سننتظر الرد

.

اشكر الجميع على المرور والتعليق

وابو علي ..... ((مو محتاج للمدح )) ......

ولو مايستاهل المدح مامدحناه ولا هو مجاملة هذا الشخص معروف ليس فقط لدي ولكن أعتقد أكثر اعضاء المنتدى يعرفونه ولاهو قصور ببقية الأعضاء لكن انا تربطني بهذا الشخص علاقة قديمة وبصراحة اشعر انني لم أوفيه حقه ولكن ((لايكلف الله نفسا الا وسعها))