شاب يبي يتزوج

مرت علي سالفه اليوم وحبيت اشوف رايكم بهالموضوع
جاني واحد من اخوياي شاب متوظف وماشي عدل المهم خويي هذا يبي يتزوج ومتعقد من نفسه قلتله ليش وش ناقصك ترى الزواج ميسر ولله الحمد قالي السالفه مهي نقص فلوس وبدا يسرد لي السالف...........
((على فكره امه وابوه منفصلين وهو عمره عشر سنوات))
يقول: أنا نفسي أتزوج وطلبت من أمي تدورلي على عروس المهم كل مالقت بنت أشاور أبوي يوافق وشوي يقول لا, وأذا سألته يجيبلي أسباب غير مقنعه وأحس أنه مولاقي سبب بس يبي يقول لا
مع اني ماني طالب مواصفات معقده ألا أنها تصلي ومخلصه دراسه ومن نفس القبيله .
المهم يقول عايش على هالحاله خمس سنوات وهو بين راي أمه وراي أبوه وأذا ابوه أختار له من عيله مستشير ولده ألا يلقى في شي مايعجبه بالموضوع مع ان ابوه لما يشاوره كأنه ماخذ الموضوع هزل يعني كنه يمزح على عقله يشاوره على بنات صغار ام 15سنه وماحولها ومرات على وحده مهي من مستواه ومرات على وحده مهي من قبيلته
مع ان امه ماخذه الموضوع جد وتدور له على حسب المواصفات اللي يبيها
يقولي في مره أمه لقت له بنت وأعجبته مواصفاتها ومع انها من نفس عشيرة هذا الشاب يقول أمه شافت البنت واعجبت فيها وشاورها من تحت لتحت والموضوع كله ماشي ميه ميه المهم كلم ابوه وأبوه ماعنده مانع سافروا لاهل البنت لأجل يخطبوها شوي الا أبوه يغير رايه وكالعاده يجيب حجج هو مهو مقتنع فيها

مع العلم أن من أراء امه أنها ماتبيه يتزوج تحت مسمى زواج تقليدي تبيله وحده متحضره وجميله يعني ماتبيله زواج يندم عليه وهذا يتناقض مع راي أبوه يعني من الديره وسالفت الجمال هذي مهمله عنده

أنتو وش رايكم باللي صاير مع خويي
يطنش الزواج على شانهم ولا يبقى يعذب نفسه ويتعشم بالجيزه
أنا من جهتي سكت ومارديت عليه بشي تدرون ليش
أحترت وش أقوله
بس أنتو وش ممكن تقولوا................

بصراحه اخوي زوغان الاب هوه الي مخرب على ولده

وانا من الشوف انه فيه كثير من السيطره في رد والده ونوع من الانانيه

التي ربما قد تتسبب في عزوف الشاب عن الزواج واختيار طريق بديل عنه

ولاكن من المفترض ان يبحث هوه ويضع والده امام الامر الواقع والو الظطر في ذلك

ان يلجى لتوسيط اناس لهم الثر كبير في القناع والده


كل الشكر لك يازوغان على طرحك الاكثر من رائع دمت بخير

مشكور استاذي على هذا الطرح انا من وجهة نظري بالأضافه على ما اضافه استاذنا
((( الرقيقيص)))
ان هذا الشاب يجب ان تكون قناعته وكذلك شخصيته لها صفه اعتباريه وموجوده ليس كل شيء يعجب (والديه) من الممكن ان يعجبه طالما انت تقول انه متمكن ماديا ومستقل اذا عرفنا ان هذا الزواج هو (نصف الدين الأخر) وهذا الزواج فيه (من الممكن ان يدوم ومن الممكن ان لا يدوم ) اذا تدخلت رغبه اخرى غير رغبة هذا الشاب 0
بمعنى ان هذا الشاب يجب ان يختار هو بنفسه حتى وأن كان للأسره دور في الاختيار (للعائله) فالنظره الشرعيه هي حق مكفول في الاسلام ) اذا ضبطت بالتشريع (هذه القضايا ربما نهملها ولكن نتائجها يتحملها المجتمع والاسره
تقبل مروري

زوغان شكرآ لطرحك هذا الموضوع الذي يكثر في هذه الايام امام الشباب ويكون حجر عثره امامهم انا اعتقد ان الحل الوحيد لصديقك هذا هوالالتجاء بعد الله سبحانه بأعمامه اوخواله او اصدقاء ابوه فلربما يؤثرون عليه وتنحل المشكله

طرحك راقي جداً أخي وأنا أعرف وأحد يعني نفس المشكلة وقد حدثني شخصياً
الفرق أن أمه تختار أبوه يرفض أبو يختار أمه ترفض وصار شغلته بين أمه وأبوه وهم شغلتهم تحدي وراح فيها الشاب واليوم والله أن الأباء حيروونا

كان الله بعونه ..


ماقصروا الإخوان وضحوا الحلول بما فيه الكفاية ..


ليحـــــــاول مع والده و إقناعه بالإسلــــوب الحسن ..و لابد أن يكون له رأيه


المستقل بعيداً عن تأثير الآخرين هذا قرار مصيري يتعلق


بحياته و مستقبله ..



و بالتوفيق له .. مع كل الشكر لأخينا / زوغان ..لإهتمامه