قصيدة في الصقور والصقاره للشاعر حمدي بن سلامه المقبلي

الشاعر حمدي بن سلامه المقبلي شاعر اعجبه وضع المقناص وتجمع الصقاره اثناء فترة القنص للطيور الاحرار..وهم ينتظرون قدوم الصقور الاحرار واجتماعهم قمة في الوناسه والسعاده عندهم..ويقول هذه القصيده:

يارازق اللي ينتظر شوفة الطير=وعينه على الاحرار دايم شفوقه
الخير عندك وانت ماتذخر الخير=والعبد يسعى وانت تعطي حقوقه
وجدي على اللي يمنتنوه الصقاقير=مافيه طير بالوصايف يفوقه
ابيض وله عند الصقاقير تقدير=هو منوة الصقار عشقه وشوقه
صارم وجارح باللقا كنه الزير=له هدتن عند الرجال امعشوقه
مخالبه صلبه سواة المسامير=طير الحباري مايعيزه لحوقه
لو انها عن موتها ودها اطير=يجيبها الجارح ولوهي سبوقه
فعله وزينه زاد قدره عن الغير=غلاه في قلبي سكن في عروقه
حنا على شانه مشينا مداوير=والعين لاجله نومها ماتذوقه
جبنا الزريق امع الشبك دون تقصير=وجبنا له البرقع وجبنا سبوقه
ماودنا الا شوفته حزة اعصير=ويسوقه الله في شبكنا يسوقه
واحنا لنا بالصيد خبره وتفكير=نحرص عليه ولا يجي فيه عوقه
والريش نحرص مايجي فيه تكسير=خوفن عليه ايقل سعره بسوقه
وفيه انتباشر بعد كل المخاسير=بشرى السحاب اللي تلامع بروقه
عبرت ما بالقلب ياناس تعبير=يازين شوف الوكر والطير فوقه

قاسم علي القويعاني

صح لسانك

كنت احدث نفسي عندما رايتك متصل ولاكن لن اخبرك بما كنت احدث نفسي به لانه انتهى

دمت بخير

استاذي العزيز

كما عودتنا التميز في الطرح

وصح لسانك ولسان الشاعر حمدي سلامه

تحياتي
ناصر ابن طليحه

اخي الالبد
السلام عليكم ورحمة الله وبركاته
شكرا لمرورك...البين والمخفي

ابن طليحه
شكرا لك على مرورك ونحن لكم وانتم لنا

ابوناصر تسلم يمناك على القصيده وصح لسانك ولسان ابوسلامه