قصيده للشاعر عبدالرحمن عيد العرادي ( الربع )

أ- أولف الشعر من كيفي وهوى بالي = وابني القصيده من الأفكار لأجني
ب- بديت بذكر الله الي عالم بحالي = ربا كريم ما يوم خاب به ضني
ت- ترميني الدنيا بين مر وحالي = من فعلها نوب اضحك ونوب اوني
ث- ثمن صدقي من الأيام غربالي = صغت معها الليالي بهم جازني
ج- جمعت كل المعاني بساسها العالي = لشك كل المعاني اليوم كبني
ح- حسبت انا الصدق من حسنات الاعمالي = اثريه شين ومنه البيض عافني
خ- خليت انا الحق مبدايه وراس مالي = اثريه معيوف وباطلابه مغني
د- دنيا خسيسه وهي ديمومة اننذالي = تخفس عزيز وتعز من هو متدني
ذ- ذبحني الزيف مع كذب مع محالي = وكل شغله لها متخصص وفني
ر- راحت سلوم العرب والناس متبالي = واقفت ليالي بها نجر الكرم دني
ز- زين لهم الشيطان سر الافعالي = راكب على روسهم يحن ويزني
س- سوالف مالها اول مالها تالي = حتى حروف القصايد منها يشيبني
ش- شفت الرجل مايقدر عمن وخالي = جافي لدمه ولغيره صار متبني
ص- صدق من قال في مجمول الامثالي = علمته الطعن وصار اليوم يطعني
ض- ضنيت انا الخير وضني انحرف مالي = يومنه بان الخافي وبان ماكني
ط - طاعون دس الفتن بالناس هوجالي = وياما الفتن بالقلوب الحقد ربني
ظ - ظالمك لونه نجى يجبك باغلالي = في يوم يحاسب فيه شيعي وسني
ع - عليه غضب ربي وفوقه انكالي = من كان بالظلم على الناس متجني
غ - غريب بعض العرب محسوب رجالي = وليا دنت حزة الحرابه يخني
ف - فريسه للوليه ام الاعيالي = مخروش طوع لها ولهرجها يصني
ق - قديم قولاً على قديم الاجيالي = مضمونه اصبر على خشمي لواعفني
ك - كم من ليالي بالعمر اقصار وطوالي = من يضمن عيونه تصحى عقب يغفني
ل - لو ان الدنيا تبقى بليا ترحالي = ولابه احساب ولااعمالاً تقني
م - مااصبر على الي مضى من ضيم واهوالي = لاخلي سيفي براس الظالم يرني
ن - نشكي على الله والايام باقيالي = ولابد يوم سهوم الحق يرمني
هـ - هزة ذنبها ومعها اهتزت اذيالي = دنيا خسيسه ومعها كلاب يعدني
و - ورتني الويل عسى مافالكم فالي = ذقت المراره منها مارفعت عني
ي - ياناس تمت وانا صدقت باقوالي = صلوا على الي انبعث لأنسي مع جني



الشاعر : عبدالرحمن بن عيد العرادي ( الربع )

doPoem(0)

الله يعطيك العافيه على هذه القصيده الرائعه
يابو سطام

.

اللهم صلي وسلم عليك يارسول الله

.

أبو سطام


عطيك العافية على هذا النقل


وتحياتي وإعجابي للشاعر

عبدالرحمن عيد العرادي

وفعلاً


ولابـد يــوم سـهـوم الـحـق يرمـنـي
ولابـد يــوم سـهـوم الـحـق يرمـنـي
ولابـد يــوم سـهـوم الـحـق يرمـنـي
ولابـد يــوم سـهـوم الـحـق يرمـنـي

السلام عليكم ورحمة الله وبركاته :
اخي احمد شاهر البلوي
الله يعافيك ومشكور على المرور

الله يعافيك اخوي عايش سالم البلوي اسعدني مرورك

ما شاء الله

حقا ابداع

ابو سطام
لا تحرمنا جديد الشاعر / عبدالرحمن عيد
ويعطيك العافية على النقل