الله يهنّي معتق بمعتوقه=والله يصبّر قلبي المشتاقي

الملف الشخصي · 12-20-2010, 04:54 AM

الله يهني معتق بمعتوقه =والله يصبّر قلبي المشتاقي
كلن تولع وأشغله معشوقه=وانا وحيداً منشغل بفراقي
جفت دموع(ن) ساكنه في موقه=وقلبي من الصدمات توّه فاقي
يضيييق صدري والسنين تعوقه= واصبحت انا من صدته منعاقي
ماقدرت قلب(ن) فدته عروقه=وماقدرت دمع(ن) لها ينراقي
ياما تعبت اكتب واجاري ذوقه=وياما تعبت اكتب وهاك اوراقي
هاذي قصايدها وذا طاروقه=وياما ترد بشعر ما ينطاقي
اجيز انا ابياته وهي مسروقه=واقول انا شعرك عظيم وراقي
كنت احسبك للقلب انتي شوقه=وكنت احسبك انتي عطور اشواقي
وكنت احسبك ضوء السماء وشروقه=وكنت احسبك مخزونةً بحداقي
جربت لك كل الحيل وطروقه= ومافيه فيّه ما وطتها ساقي
طلعت انا انفخ قربة(ن) مشقوقه=مافادني فعلي وزين اخلاقي
انا اشهد ان الحب عوقه فوقه=لا خالطه صد ومعاه فراقي
خلاااص عفنا دروبها وطروقه=شبيت نار(ن) جمرها حراقي
لو تضرب مزون السماء ببروقه=ويرهي مطرها فوقي وينساقي
ما تبرد ضلوع(ن) غدت محروقه=وما تنطفي نارن بوسط اعماقي
يجيييييك يوم وما حصلي تذوقه= وتقضي سهرك بونّة(ن) وشهاقي
وكانك رحلتي اليوم يا معشوقه=يا كثرهن غيرك ترى بالاقي

مقتطفات::
حزين ..ياللي طال صبره ينتظر حبّه سنين......ويوم شاف اللي يحبّه شاف خاتم بأصبعه
وحزين..ياللي طول عمره ينتظر لحظة حنين ....يوم جات اللحظه اللي ينتظرها ودعه
::::::::::::::::

الحب شخص(ن) والوفى عرّابه....وتموت نفس(ن)بالهوى لعّابه
وأنا سجين الدمعتين المره.........من يوم قفّل بالغرام أبوابه
هو أعتزل حبّي وأنا يا همّي .......مدري خذاه الشوق والآ جابه
::::::::::::::::::::::

أترك العالم ...وناظرني هنا......وشوف وش سوّى فراقك والعنى
لا تلفت بالأوادم ...خلّهم.......وشوف همّي وسط قلبي وش بنى
أترك الجوال وأبتلحق عليه......وناظر أقليباً من الشوق أغتنى

:::::::::::::::::::::::::::::::::
وسلامتكم

الملف الشخصي · 12-20-2010, 05:01 AM

صـح لسآنك أبـو يوسف

سجلني من المتآبعين لكل حرف تسطره أنآملك ..!

تواجـد متواضع لا يليق بمتصفحك فنلتمس العـذر

بآقآت من { مآيليق بك } يسآق اليك ..! نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي