"... الحظ لامن نوخ الحزن بإركابه ..."

ياسيدي مرحوم والنود غلابه =كم راح فيها من عريبين الانسابي
ايا بوفيصل دمعت العين صبابه = وانا ان بكيتك سيدي ليه اسبابي
عليك قلبي صايرن كنه اذوابه=تلعب عليه الهوج من خافض او نابي
عز الله انه راح من دنيتي لابه =او عزالله اني فاقدن خيرة احبابي
يذوب قلبي ذوبة الشمع من مابه = من فوح نارن بالمعاليج لهابي
ياسيدي دنياي ماعاد جذابه =وش لذة المسرى والاشعار واكتابي
الحظ لامن نوخ الحزن بإركابه=وش حيلة المخلوق في حظه الهابي
اليوم انا مريت حيدن تعدى به =اوصاني ان ارقاه او همي توصابي
قمت اتذكر كل قوله او ترحابه=طواح فكري كن الامواج تعلا بي
امواج فكري كنها امواج حسابه=شاشات ماضي لونت راس مرقابي
حزين والدنيا للاهوال جلابه=وش حيلتي والحظ ماابكنفها طابي
ياسيدي ماالروح تبكيك كسابه=النفس عن مراد بعض العرب تابي
بكى الشمال اللي تفييت بهضابه=ونجدن بكت بدرن من ابدورها غابي
وياسيدي مرحوم والنود غلابه =كم راح فيها من عريبين الانسابي

غازي الميهوبي بارك الله فيك
وقصيده جزله وفيها من المعاني الكثير

الشاعر // غازي الميهوبي
صح اللسانك ،،، وصح كلك
قمت الأبداع ،،،،

صح لسانك ياغازي

قصيدة وإبداع

تحياتي لك

ودمت بخير

غازي
صح لسانك ورحم الله
ابوفيصل


ودمت بود



عبدالله

شيهان الـنــــــود ..

لله درك من شاعر جزل يطربنا وتحفنا بمعانيه ..

أطيب المُــنــى ،،

سلمان العرادي