مداعبات شعرية(الشاعر الكبير حسن عبيد -الشاعر مشهور -هايل

مشهور

تسألني الناس وين الشاعر الهايل = اللي معانيه موزونه ومليانه
مسؤل يسأل مثل ما يسأل السايل = وين انت يامن يطرربنا بقيفانه
لك فلسفه بالقصيد ولك صدى طايل = والشعر تقطف لنا من ورد بستانه

هايل

ذلول شعري عليها الشيل متمايل = حلالة القوم يامشهور عطشانه
لو سقتها للربيع الي قبل حايل = تبرك على العشب ثم تموت جيعانه
لكن على شانك ارقا الرجم واخايل = يمكن نسيم الشمال ايحرك اشجانه

حسن

مدري متى هايل يجي فالعماره = حتى نجي ونطالبه بالرشوشه
ما يسترح العاقل الا بداره = لونه على ماقيل غرفه بحوشه
اليا سكن ينسى هذيك الخساره = على نظر عينه يجدد عفوشه
يخش في جو الفلل والحضاره = ينسى الجبال الي نحلها يهوشه
دايم صديقي موقعه بالصداره = يضفي على الجفن القريب رموشه

هايل

متى مدير البنك يصدر قراره = حتى اعطي النجار باقي قروشه
من بعدها اصلي صلاة استخاره = قبل انشد العطار عن بردقوشه
اما اشتري لي جيب حوض وغماره = وصير راعي ذود حول ابن دوشه
ويمكن اصير مهايطي بالاماره = دايم ونا هواش مع كل هوشه
ويمكن يعينّي حسن بالسفاره = مندوب دايم للوجيه البشوشه

وأبيآت رسمت الابتسآمه على كبد السمآء حتى تساقط الفرح

صح الله لسآنكم وطيب فآلكم

ومتى الرشوشه :d

المبدع مبدع عاى طول وحتى تكون كذلك رافقو ذلك المبدع

ولو ان
للئسف لم يضهر عندي شي

وأبيآت رسمت الابتسآمه على كبد السمآء حتى تساقط الفرح

صح الله لسآنكم وطيب فآلكم

ومتى الرشوشه :d

اخوي ثامر ظميان البلوي

صح بدنك وطيب الله فالك

انت على راس قائمة المدعوين

انت على راس قائمة الابداع والتميز

المبدع مبدع عاى طول وحتى تكون كذلك رافقو ذلك المبدع

ولو ان
للئسف لم يضهر عندي شي

الفقير الى الله

مرورك عطر

انتم من الشعراء المميزين من قبيلة السراحين تغيب عنا ولاكن تفاجئنا برائعه جديده من شاعر ذوق ابو بندر بس اذا صرت سفير عينى مسؤل عن العلاقات عندك وتقبل احترامى وتقديرى لشخصكم العزيز