يا طير شلوى

ياطير شلوى

البارحه جــــبت القـــــوافي على الوا
في ساعــــة ٍ فيها الذيــــــابه تعـــــاوا
ماجــــيت اداري وأنـــحــني وآتحــلوا
جيت انحت إسمي يوم غيري تهـــاوا
لنـّي ليا مني توازنـــــت ..... بلــــوا
والجـــرح مني ... جــــرح ماينْـتداوا
ماهمـــني تصفــــيق ليــلى وسلــــوى
همـــي رضى ..رجــــال ماينـْــــتقاوا
لي دلو يســــــواله ثمـــــانين دلـــــوا
يروي عطـــــاشا من عطـــشـْها تخـاوا
والشعر لي من ضيقـة الصدر سلــوى
لو كان لزحــــول الرجـال يتـــــراوى
والشعــــر بعضــــه ينبلع بلــع حـلوى
والبعـــض كن اللي يجيبـــه مْخـــــاوا
كنه على نار المجـــــــوس يْتـصَــــلوا
لــــين اصبحت عينه كما عين جاوا
لا شـــك هاك العــــلم ياطــير شلوى
لا ضقت دوك ضلوعي العوج ماوى
ليه إتـّــعـــنى من ثــول لــــين سلـوى
مادامـــت حظـــوظ الخلايق تساوى
والعـــبد له يوم ٍ من الـوقت يِلــوى
ويـــذكّــره باللي مــن سنيــن خــاوا

وسلامتكم

حاب انوه لأخواني الشعراء في منتدى بلي
ان قصائدي ليست تحدي لكم أو فرد عضلات ولا شي من هذا القبيل فهي قصائد عاديه
واللي مايجاريها لا يعني ان مستواه الشعري ضعيف . بالعكس تماما
واللي حاب يجاريها مرحبابه ويشرفني ...
وأنا داري انكم تقدرون تردون عليها وتجيبون احسن منها
ومتأكد إن اول شاعر راح يرد هو اخوي الشاعر الكبير فالح السميري
وبدون قصور بأخواني الشعار . كلهم على عيني وعلى راسي

وشكرا