قصيدتي بمناسبة حفل ابراهيم حامد العصباني لشيخ مشايخ بلي

تشرفت بدعوة من مبارك خليف ابن مساوي العصباني بمناسبة حفل ابراهيم بن حامد العصباني

لشيخ مشايخ بلي الشيخ / سليمان محمد بن رفاده البلوي , وكانت امنيتي لو اني القيتها على

مسامعكم في الحفل واما الشيوخ والامراء والحضور عامة ولكن حصل ضرف لي حال دون

تواجدي بينكم اليكم القصيدة

سر ياقلم زج زاجك فوق قرطاسي = على ابيض الطرس سو اللي نبي سوه
ساعة دعاني مبارك هاض هوجاسي = استرسل الفكر وخيل بالمثل نوه
امطر من الدر والياقوت والماسي = مثل اللوالو من الغبات مجنوه
من جاش اديبن يصوغ القاف متواسي = مثايله تجي من معناه محلوه
من لايقلط لميد العوص عرماسي = خلنه الهجن بالبيدا تقل بوه
نبي نشارك حواشة كل نوماسي = في حفلة الشيخ ومن رافقه بالخوه
شيخن وله في سنام المجد مجلاسي = مرقب هل الجود عدا الشيخ بعلوه
الشيخ سليمان محمد طيب الساسي = شيخن ولد شيخ من المجنا ومن خوه
شيخ لمشايخ بلي لراي دواسي = ابن رفاده مهد الضد بالقوه
كريم سبلا لضو النار قباسي = شيخن يقابل ضيوف البيت بحفوه
كريم ماهو عن الماجوب نساسي = بذل الكريم طيع لجداده مهو توه
جده سليمان باشا عدم الاجناسي = شيخن لهشال بيته شاعمن ضوه
من لابتن جمعهم لضد دباسي = ياطوحت سترها بالكون تلهوه
من فوق صم الحوافر قطف الانفاسي = من جلمد الضد رو الهنمي روه
برقاب الابطال يصرخ حد عباسي = ذبو دماغ العقيد لذيبتن عوه
يتلون شيخن لها بالمجد نبراسي = كم ذود قومن ضواه الليل بحروه
مع دربه العوص ضمر مثل الاقواسي = تصقع حفا مع سهالن خالين دوه
يوم البراطم من الاهوب يباسي = طير فروق القطا بالقيض من جوه
واشكر ابراهيم حامد قاسي الباسي = رافق هل الخير مارافق هل السوه
صميدعن للفخر والخير غراسي = بيته لجارة وهشال الخلا مفوه
اقصد وانا مع جيراني رافعن راسي = كسابة المجد والناموس ومروه
قبيلتن بالصخا تشهد لها الناسي = هل المكارم لطيب النفس وحموه
بلي لهم في سجل المجد مرواسي = بحرف ذهب سطر والكاتب عنه نوه

والله وسبعة انعام فيك يابن عبدالرحمن
وماعليك زود ياسلالة هل الجود والكرم والشجاعه
وصح السانك يالشمري 0

مشكور طال عمرك

صــــــــــــــــــح لسانك
ويعطيك العافية على القصيدة

صح لســـانك يانايف
.
وماعليـــك زود
.
وسبعت أنعـام فيــك وفاللي دعـاك .. الشاعر الكبيـر : مبـارك خليف
.
ولاهنـت على تواجـــدك الطيب ولو بالمنتـدى معنـــا
.
تحيـاتي
.

صح لسانكـ ويعطيكـ الف عافيهـ

و نعم فيك أخي الغالي

و صح لسانك

و الف شكراً لك