أبن درَام والميهوبي في رديه0

هذه المحاوره عبر النت
كانت بيني وبين الاخ الشاعر الكبير
مسفر بن درَام العجمي
كانت
عبر
شاعر العرب
أحببت
ان
انقلها لكم
في
موقعنا العامر
واليكم
المساجله
الشعريه
\/
\/
====

مسفر ابن درَام
يامرحبا بك يامحمد وانت لا شك معزوم وزيارة الجار العـــــــــــزيز نزيد في ترحابها
لكن إلى غاب القمر ولا بقى غير النجوم عساك من اهل مكه اللي يمرقون شعابها
محمد بن ظاهر
فيك البقاء ياصاحبي والضيف ضيفاً للعموم واليوم عنـــــدك ياابن درام نوْخت بأركابها
نــــسرى على بيض النواياولا نفسر للحلوم
كل الرجال رجال يامسفـــــرعليها اشنابها
مسفر بن درام
أنا أدري أن مابيننا ياثنين فايز ومهزوم
لكن عـــــــلى شآن الزكاه يتم جبر نصابها
الله يبارك فيك واللي مايصلي مايصوم
أمــــــــــا كليت ذيابها والا كلتك ذيابها
محمد بن ظاهر
لازال راس المال حدرالقسم ولابانت قسوم ندفع زكاة المــــال قبل العيد ولبس ثيابها
الله يبارك بالجميع أهـــل الوقاره والسلوم
أذا عوى سرحان عــويه للذيابه جابها
مسفر بن درام
الغبه الزرقا إلى هالحين رغوتها تعوم
مير الشواطي لويمد البحر شال ترابها
الذيب قام يجر الصوت بمزاميم الرجوم
والحيه الرقطاء تحــــك لسانها بأنيابها
محمد بن ظاهر
خل الزراق الي تقول أصعدمعي فوق الغيوم والبحر لو مد وجزر يـــــروح في جلبابها
قبلك قنبت براسها سرحــان بالديره يحوم والحيه أم لسان له حــــــاوي وسكر بابها
مسفر بن درام
ياللي على خط الدفاع وعينك لخط الهجوم تراك قايدها بعد هاذي وانا طـــــــــلابها
أباخذ الظرف مختوم وبأرسل الظرف مختوم واسبر على الناظور لين يـــزين لي مضرابها
محمد بن ظاهر
دام استلمت زمامها بالحرف مع كل الرقوم زانت لي البنت الهنوف اسمي بنقس خضابها
ســــــاعي بريدك وارسله ياخذ وياتي بالعلوم للطيبه ياصــــــاحبي زبـــــــــونها وجلابها
مسفر بن درام
حنا عطيناك النبال ولا بقى غير السهـــــوم
ما خــذتها بالغصب يـــــــوم تصيح في محرابها
الطيبه في سوقها والطيب ما هــــــو بمعدوم والشاذلـــــــــيه ينتظر فنجالهــــــــــا شرابها
محمدبن ظاهر
السهم دون النبل ماينفع ولا يرهب خصـــوم جتني تشوش براسها مظفي عليها حجـــــابها
الطيب لأهل الطيب عاده بالمساءوكل يوم فنـــــــجالها مسك اليمين يسلم لنا صبــــــابها

وسلامتكم
والنظره
الشاعريه
والنقديه
لكم
منتدانا منتدى
النقاد
وينكم
تحيات
ابو فيصل

شاعرنا ابو فيصل

صح لسانك ولسان الشاعر مسفر

وتقبل مروري مع اجمل تحيه لك

اخي / ابو فيصل

تحية من القلب

محاورة جزلة من شعار كبار

وفيت وكفيت وبيضت وجيهنا عند الأجناب

ويازين الكلام اللي بعيد عن السب والغلط

تقبل اعجابي

محمد ظاهر الميهوبي دائمأ مبدع ( فتل,نظم,محاوره ,نقد)
دام أستلمت أزمامها بالحرف مع كل الرقوم
ــــــــــــــــــــــــــــ زانت لي البنت الهنوف أسمي بنقس خضابها
عزالله أنك تبيض الوجـــــــه,,,,

نقل الموضع الى قسم المحاوره لحيث هذا القسم المناسب له

اخي / ابو فيصل

تحية من القلب

محاورة جزلة من شعار كبار

وفيت وكفيت وبيضت وجيهنا عند الأجناب

ويازين الكلام اللي بعيد عن السب والغلط

تقبل اعجابي

اعجابك هذه المره اخي فالح اضيفه الى رصيدي الذي اعتز به
اشكرك على هذا الاطراء ياخي العزيز تقبل احترامي وتقديري