قبل العيـد غسال سيارات/ يوم العيد افضل قصاب ..!!

السلام عليكمـ ورحمه الله وبركاته

كل عامـ وانتمـ بخيرَ ،،

( ابا الحصين طلع دكتور/ والكلب ريس على الحارهـ/ والبس باني ثلاث قصور/ والفار سواق طيارهـ)
عندما قريت هذا زاد تيقنيَ ،، بما هو موجود ،،

بالرياض ولا اعلمـ هل هو في مناطق المملكه ..؟

العمالَ <!! قبل العيد تشوفه مغسل سياراتَ اول ايام العيد تشوفه معه سكاكين وصاطوير يلفون بالحواريَ وامام المطابخَ وعاملين انفسهمـ قصاصيبَ ...؟

من المسؤؤلَ......؟
لكمـ ودي واحترامي..،،

السلام عليكم
سلطان ظاهر البلوي
والله هذا اللي حاصل يوم العيد كنت أذبح ضحيتي في حوش بيتي طبعاً والمهم ولا الباب يدق ولا عامل بالمغسله اللي بجنبنا قال صديق أنا أذبح ميه ميه أنت أبغى مساعده قلت لا ما أبغى مساعده قال أنا ميه ميه أذبح
ولاجاري جاي يركض قال صديق أنت تعرف تذبح قال ميه ميه قال يالله أبح ضحيتي والمهم راح معه قفلت الباب شوي ولا جاري جايني نواف الفزعه قلت له قال العامل ذبحه وقامت تقوم وطيح وهي مذبوحه طبعاً ماذبح صح وأركذ عليها وذكيها ذكاه صحيح وكسر النخاره قلت له أنا أجيك شوي وكملها يوم خلصت من ضحيتي رحت وساعدته على ضحيته
قال أنا رجال كبير ومعرف أذبح وأنت ماشاء الله صغير وتذبح كيف تعلمت
قلت (( اللي له عيون وراس يسوي سوات الناس ))
ومشيت من عنده .
والعامل ولى هارباً من الحاره إلى حاره أخرى وينقل سواطيره معه ..
وهذي مصيبة والله

سلطان
كل عام وانت بخير
الأمر ملاحظ في كل مكان و بكرة تشوفهم شعار محاورة

فعلاً أخي .. سلطان البلوي

وهذا هو الحاصل في هذة الأيام فسرعان ماتتبدل أعمالهم ومهاراتهم حسب الظروف ففي رمضان تجدهم بائعو مشويات وأطعمة ،

وفي عيد الأضحى تجدهم جزارين .

وهكذا من اجل المال يتبرمجون

والسبب نحن . من اتى للعمل كراعي أصبح سباكًا أو نجارًا وإلخ .....

وأشكركم أخي على التطرق لهذا الموضوع .

اخوي سلطان هذا للاسف في اكثر الاماكن
والمصيبه اذا كان لايسجد لله سجده واحده
وبعضهم يذكيها ولايذكر اسم الله عليها
ولاحول ولاقوة الابالله

كل عام وانت بخير