صفيح المفردة

سجيت والسجّات ما عنّها حلْ
دوامةٍ منها نصيد الجزاله
بالمقتضى ببعد بحورٍ تنبّلْ
والفرق يبعد عن جهول النباله
منهم على صيد المثايل تمثّلْ
هي ديدنه والمحتوى والمثاله
واللي يغوص وصيده ارها من الكلْ
ما فاله التنديد ولا ركاله
اللي كمل بكمالة البدر لا طلْ
واللي يضيع وطيب الله فاله
واللي يلملم ماطفى ويتقبّلْ
يرجع قصيده منتقد ماصفاله
واللي يعوم ونوب ينئا وينهّلْ
يصبح من المتروك حالته حاله
يأتي وعلى باله هي اسمن وافضلْ
واثري عنت نفسه من اللي فباله
وانا ادوخ واتعب شوي وآكلْ
وآغوص للأعماق واجيب لآله
ما دوّر أحيا مرةٍ ثانيه بلْ
آحاول آمننْ حياتي ذهاله
على صفيح المفرده آتحلّلْ
وآجيز ما مننت قطف وشكاله
لين انشحب وجهي بنبع المكمّلْ
كل ما امل شويّ جتني زهاله
ياسامعين الشعر كثره يملّلْ
ولّا الممل أعباء شوق ووصاله
اللي من أجله غصت ليته تجمّلْ
وكمّل معاي الود لو طال جاله
حنّا لكنّا اثنين نعتز ونفلْ
ولا طاب في هذا العمر من تكاله
اللي يعز اثنين في عزته جلْ
سبحانه المعبود جلّ جلاله
ماكان له وازي ومظفي له بخلْ
تتعدد أسمائه ولا به مثاله
سبحانه الفرد الصمد فارد الضلْ
كنّه رضيٍّ للقدر وانفراله
يارب تفريلي من الخير مادلْ
من مبتغايه ونحصل من مناله
انا من الخلق ولك الخلق تنهّلْ
رضوان للأنوال في كل حاله