الشاعر رويشد بن عبدالله السميري

بسم الله الرحمن الرحيم
اليكم هذه القصيده للشاعر\ رويشد بن عبدالله السميري والدي حفظه الله
ومناسبة هذه القصيده عندما كان شاعرنا يراجع احد الموظفين في دائره حكوميه شاهد منه غطرسه وكبر وعدم احترام للمراجعين فأرسل له هذه القصيده ارجو ان تنال على اعجابك

جيت (الموظف) يوم من دون مرسال = (....... ..... ) بلحظه عرفناه
لاعاد ما جيناه في بعض الأحوال = القصد رقم وصاحب الرقم يبغاه
ولابه سبب يوجب كثيرات الأقوال = لكن شياً صار والأمر لله
دلا يكيل الحكي من دون مكيال = واطلق حصانه دون غاره وهيلاه
ياللي تقول الشيخ ماهو برجال = هذا كلام اللي غريراً بدنياه
وتعذرب الأجواد في قلة المال = والقل ماعيب رجالاًمسماه
الرجل ماسموه ابو بشت وعقال = سمي بفعله والأجاويد تنصاه
تلقى ببيته شرب دله وفنجال = وترحيبتاً في وجه ضيفه الى جاه
ماحط له بالبنك مطلع ومدخال = رزقه على اللي كون العبد وانشاه
والمال مازود خبيثين الأعمال = كم واحداً ماله إلى الشر وداه
خيم عليه أبليس والوقت ختال = وان مات ماثابه قصوراً مسواه
والكبر عيب وراعي الكبر مانال = والهذر يبعد صاحبه عن دناياه
لابد مايصدف لهزلات الأقوال = ويندم على مافات والناس تشناه
دنيا خبيثه بين نازل ورحال = واللي تحدا الوقت لازم تحداه
وعندي نصيحه مابها قيد واعقال = اللي فهمها يمتنع عن خطاياه
ابن القبيله لامسك منصب اعمال = يغض نفسه للمراجع الى جاه
لاينتفخ ويقول أنا خوش رجال = ويقلد الفارس بهرجه وممشاه
يحسب حساب انه عن المنطقه شال = اما نقل ولا وكيله توفاه
وكلاً ذكر فعله إلى حل به حال = احداًربح واحداً خسر عند طرياه
وربي خلق خلقه على بضع اشكال = وكلاً حسب ماقيل ماشي بممشاه
خطو الولد لأحتجت تلقاه رجال = ونفسه على فعل الجمايل مضراه
يقضي لك الازم بتوجيه واقبال = وعند الغضب يشفيك في ضرب يمناه
كنه هديب الشام شيال الأثقال = لوشانت الأيام ما اخلف نواياه
ومنهم كريم النفس بالحال والمال = ومن حدته سود الليالي تنصاه
ومنهم فهيماً للصعيبات حلال = لاعمست الأريا برايه تولاه
وخطو الولد يامل قصاف الاّجال = زوله كبير وخايباً من ترجاه
مافيه من وزن الرجاجيل مثقال = يزوله اللي زال جده وخلاه

doPoem(0)

قصيده معبره

صح السان قائلها

سلطان السميري
شكرا ونحن من زمان بانتظار قصائد الشيخ رويشد السميري الرائعه
نامل باقي القصائد

سلطان السميري
حفظ الله والدك لك ولنا ولجميع من يبحث عن القصائد الجزلة
وحقيقة كم تمنيت أن تكون هذه القصيدة بحوزتي عندما
قدر الله علي وراجعت إحدى الدوائر الحكومية قبل أيام

ما نريده منك أخي سلطان هو أن تبلغ الوالد التحية أولاً
وان تزودنا بما تستطيع من قصائده الأخرى

الشاعر
سلطان السميري
تسلم يمينك على النقل المميز
والشاعر
رويشد بن عبدالله السميري
شاعر جزل
والله يعين الموضف اللي مرعليه
.
.
.
ادام الله عليه الصحه والعافيه
وتقبل
خالص الموده



عبدالله الوحيشي

الله يعطيك العافيه يا سلطان السميري
على الهقصيدة الجزلة واللي تعبر عن نفسها من دون تعريف

دمت بخير وصح لسان شاعرها