دجاج البيك (حسن عبيد - هايل زيدان)

هايل زيدان

لاطاح ظل العصر قم زين الدله = دلتك لا زانت الوقده تسويها
خل المعاميل بين الجمر والمله = حتى يفوح العويدي من مثانيها
يمكن تطيب الكبود الي بها عله = الي علاج الاطباء ما يداويها
عودت نفسي على السجات والفله = داخل حدود الوطن واحيان اعديها
مع ربعي اهل السلوم الي على المله = ما فيهم الي على ما قيل يعطيها
واليوم قررت اغير منهجي كله = اشوف وحده تسليني واسليها
من بعد ما اجمع الورعان بالفله = افضا لها وأتأملها وراعيها
اسوي عنها الغدا و الواجب أحله = و اذا اشتهة من دجاج البيك اعشيها
من بعدها اشوف لي مندوب أطبل له = من شلتن همها تزييف ماضيها
تبقى فلسطين يا بو زياد محتله = والنار ما تحرق الا رجل واطيها

رد الشاعر :حسن عبيد

حي الله اللي يحب البر حي الله = يحب صيد الجبل وطيور واديها
من يعشق البر لايسبه ولايمله = لوكان مابه شجرتن يسترح فيها
ياهايل الحبل لاتعقده ولاتحله = إصبر لما تعرف الحجه وقاضيها
كم ساريا يلتفت يخاف من ظله = يخاف من جرته ينعرف راعيها
كم خل راحت به الأيام عن خله = نسي المراره بعد ماذاق حاليها
دور على كورتك يالاعب السله = لا تنخطف من يدينك قبل ترميها
دامك على العلتين ادور العله = أنا معك والمعيه غير نرضيها
والي توقد من الشويط والجله = يجلس لحاله على ناره ويطفيها

مع ربعي اهل السلوم الي على المله = ما فيهم الي على ما قيل يعطيها


صح لسانك على هالقصيده
وتقبل مروري

صحت ألسنة الشعراء........

صح لسااانك

ابو بندر صح لسانك

هذا عندي بيت القصيده

يمكـن تطيـب الكبـود الـي بهـا عـلـه ###الــي عــلاج الاطـبـاء مــا يـداويـهـا


ابوزياد سلمت وصح لسانك

اعجبتني القصيده

وقفت عندهذا البيت من القصيده كثيييييييييييييييير

والـي توقـد مـن الشويـط والجلـه &&&يجلس لحاله علـى نـاره ويطفيهـا

يسلم لسان من قال

الله يستر عليك ياهايل زيدان تعسكرنا بنجران سنتين حتى الضبان ماسلمت منة

اقسم بالله من خواة مايبي يخاوي غيرة