يـا دق قلبـي دقـت الهـيـم بالبـيـر=الهيـم قـاع البيـر والحـبـل جــره
يـارد ويصـدر ماسكـاتـه مسامـيـر=تطحـن طواحينـه خلاخـيـل حــره
يحـن قبـي حـن بـكـار مصاغـيـر=حيرانهـن تاهـن علـى خبـت بــره
وانا ما أملـك غيـر الحـزن والعابيـر=مالـي حيـلـه بالـقـدر مثـقـال ذره
عيني تهـل الدمـع بالصبـح وعصيـر=زمـان كــل(ن)ذاق حـلـوه ومــره
الموت حـق ولا بـه رحمـه وتوفيـر=محـدن مـن المخلـوق يــرد شــره
يــا والديـنـي ماتفـيـد المعـاذيـر=الـعـذر مايـاتـي بـربـح ومـسـره
أن كـان جتكـم منـي هفـه وتقصيـر=سامحونـي عنـد الـرب مليـار مـره
مـن بعدكـم نبتـت بقلـبـي دواويــر=شهبـى وغبـرى وحـر ياحـر حـره
والعبـد مالـه عـن مقسومـه مخاميـر=بالقـرى ولا فـي صحاحـيـح بــره
يـارب تجمعهـم بالجنـه علـى خيـر=بقصر من الفردوس عندك مقره
صح لسانك ولاهنت
والله يرحمهم بواسع رحمته,,, ويرحم اموات المسلمين
أبـــو قــاسم ينعــــى والـــــديه
رد مع اقتباس
المفضلات