سنا براقك ..

يا حبيب القلب شفتك بعد ما هب الجفا وإستاقك=من سماي اقفيت ...متشوّق على غيري .. ولا هميتك
قلت يا ليتك جبرت بخاطـري...وأخفيت سر أعماقك=لكن اللي راح ما يرجع وانا لو قلت لك يا ليتك ..؟
للعتب ما باقي سطور ومساحه في بياض أوراقك=بس والله ما قويت احاسبك على الخطاء .. واعفيتك ..
صعبه ازعل وانت بعدك ليلي اللي ما له إلا إشراقك..؟=ضيّع المشرق وتاه وتهت مثله بعدك وناديتك..!
مالي إلا نور شمسك عن دجاك.. وظلّك عن إحراقك=وانت لو ما تستحق الحب كله والغلا ما اغليتك..
وعني ان كانك ذخرت لغيري الحب وذخـرت أشـواقك=بسألك وش فيك ما فكرت تعطيني مثل ما أعطـيتك..؟
لو تقارني مع اقرب ناسـك وغالينك وعشّاقك...=ما تحصّل فيهم أي إنسان حبك.. كثر ما حبيتك...!
جيت لك وأنا ادري إني فالنهايه مالي إلا فراقك..=بس من شوقي عليك ومن ودادي والمحبه جيتك ...!
الزهاب أحلام .. والمشرب أخيله في سنا براقك=وانت غيم احلم بهتانك وانا اللي من ضماي اسقيتك
ادري ان الحب توّه وانت صادق .. وافي بميثاقك=بس مدري ليش انا ما استاهل .. اخلاصك لي وتضحيتك ..؟
يا ذهب يا ماس يا اغلى كنز .. كيف يحللك سراقك..؟=وانت ما حليت لي وانا بداخل ناظري حطيتك...!
ودي اكسر حاجز الرهبه لو اللي شاقني ما شاقك=وابدي اللي من غلاك بداخلي كنيته وبديتك ,,,
انا احبك من نسبك ومن حلاك ومن سمو أخلاقك=إن رضيت أقول هذي غايتي .. وان ما رضيت أرضيتك
ما يداوي قلبي المسموم من سمه سوا ترياقك=وانت سممته وعاد أنت وضميرك .. بعد ما سميتك ..
اما انا رحال من من صحاري الشوق لرياض إعناقك =لو على أشباه المواعيد أتوكأ... لين مدخل بيتك ..!

تحياتي لكم وتقديري

محمد عوده القويعاني
أتحفت الجميع بهذا
النص الرآقي
قصيده فوق الرائعه
دمت للجميع
أحترآمي و تقديري

الغادي

الشاعر محمد عوده القويعاني

ابداع جميل بل انت ربان الابداع يامحمد

وليس مستغرب منك

وفقك الله

وتقبل سلامي

مالي إلا نور شمسك عن دجاك.. وظلّك عـن إحراقـك
وانت لو ما تستحق الحب كلـه والغـلا مـا اغليتـك..
؛
الزهاب أحلام .. والمشرب أخيلـه فـي سنـا براقـك
والضما والجوع فيني مـا يراعـوا ضرفـك وتوقيتـك
؛
اما انا ضامي وراحل من ضما الصـد لـزلال إعناقـك
لو على أشباه المواعيد أتوكأ... لين مدخـل بيتـك ..!؛

الطرح مدهش بلاشك
وقرأته أكثر من مرَّة
وفي كل مرة أستعذبه
المناسبة خاصة بمحمّد القويعاني وحقوق الأسلوب محفوظة
والحقيقة أن أكثر ما أدهشني الأسلوب في صياغة الفكر
والتصوير
والتشبيه
جميل ومميّز جداً

والأبيات المنسوخه هنا .. كانت الاكثر إضاءة وإدهاش في الطرح
على قدر ذوقي


لك التحيَّة يا أبو عبد العزيز .. ودمت بخير

كيف ابا ازعل وانت بعدك ليلي اللي ما له إلا إشراقك..؟
ضيّع المشرق وتاه وتهـت مثلـه بعـدك وناديتـك..!

مالي إلا نور شمسك عن دجاك.. وظلّك عـن إحراقـك
وانت لو ما تستحق الحب كلـه والغـلا مـا اغليتـك..

وعني ان كانك ذخرت لغيري الحب وذخـرت أشواقـك
بسألك وش فيك ما فكرت تعطيني مثل مـا أعطيتـك..؟






جيت لك وأنا ادري إني فالنهايـه مالـي إلا فراقـك..
بس من شوقي عليك ومن ودادي والمحبه جيتـك ...!








الشاعر / محمد عودة القويعاني


صح لسانك ..


نص .. مشرق .. مليء بالشعر والشعور الصداق ..


فلسفه وبحر خاص بالشاعر .. ولايأتي إلا من كبااار


محمد / أنت مبدع


وليست محاباه أو تملق .. بل هذا هو الحق ..


عندما تحضر .. تكون ثقيل جدا على الذائقه السطحيه ..


وجميل جدا في نظر الذائقه المثقفه ..


محبتي لك


أسعد السحيمي

الزهاب أحلام .. والمشرب أخيلـه فـي سنـا براقـك

والضما والجوع فيني مـا يراعـوا ضرفـك وتوقيتـك

قمـة الأسقآطآت الشعريه الرائعه والجميله التي لا يجيدها سوى الكبار والكبار فقط من ذوي الخبره الشعريه المتمكنه وهاهو الرونق الجميل والمدهش يأتي مع المبدع

دائماا /ابو عبدالعزيز ...!

تقبل مروري المتواضع وقبل هذا وذاك تقبل اعجآبي وارق تحآيآي ..!