النصر والا الشهاده / محاوره قويه بين : عايد السميري و محمد السليس العتيبي

اهديكم هذه المحاوره ل عايد السميري والشاعر الكبير : محمد السليس الروقي العتيبي
عسى ان تنال رضاكم واعجابكم
__________________________


عايد السميري

مني لكل المشاهير سلام سكر زياده =والحبل مثني ومربوع مني لكل المشاهير
ماعندنا دهن للسير النصر والا الشهاده =قانون من راس متبوع ماعندنا دهن للسير

..................
محمد السليس

مني وبسم المناعير ترحيب راعي شداده =ترحيبتن تاخذ اسبوع مني وبسم المناعير
يالله عسى خير ياطير هات الخبر والأفاده =ون حدك الوقت والجوع يالله عسى خير ياطير

...................
عايد السميري

ماعاد فيها معاذير الكل دون السياده =والشيخ له عام مصروع ماعاد فيها معاذير
ان كان هبت معاصير سهيل تعرف براده =خذ لك من الجم قرطوع ان كان هبت معاصير

...................
محمد السليس

ان كان تبغا المغاتير كب الكرى والوساده =ماكل مرغوب ممنوع ان كان تبغا المغاتير
اقفت تهادى مصارير والشوق فاخت مراده =راحت كما حبة الكوع واقفت تهادى مصارير

...................
عايد السميري

يازين عد الدنانير والعلم يبغا ركاده =يالحضرمي يابن زعزوع يازين عد الدنانير
الفلك فالغبه تسير كلٍ يجهز عتاده =والناس طامع ومطموع الفلك فالغبه تسير

..................
محمد السليس

ياللي تحسب المخاسير العلم نبغا وكاده =عطني وخذ كاش مدفوع ياللي تحسب المخاسير
كانك تقود الطوابير وتفهم فنون القياده =طبق مع الجيش مشروع كانك تقود الطوابير

..................
عايد السميري

للحلم ياشيخ تفسير ومنكم نبا الأستفاده =والموقف يهول ويروع للحلم ياشيخ تفسير
لا دندنت عوّد وصغير كلٍ بيقدح زناده =ولجذور الأرهاب قالوع لا دندنت عوّد وصغير

..................
محمد السليس

لا طاح في جمة البير من كف زاهي القلاده =ترى القلم عنه مرفوع لا طاح في جمة البير
مسيلمه في زمهرير يشوى سوات الجراده =والحبل فيديه مقطوع مسيلمه في زمهرير

.....................
عايد السميري

جساس وكليب والزير هم السبب بالأباده =وبكره يمرون ميقوع جساس وكليب والزير
من لا نوى نية الخير يربط ولا به هواده =وله حكم مقري ومطبوع من لا نوى نية الخير

عايـــــــد السميري ..

ما أجمل تلك الكلمات التي أستمتعنا بقرائتها .. وما أجمل بوحك أيضاً

أطيب الـمُــنــى ،،

سلمان العرادي

صح لسانك اخوي عايد

محاوره جميله ورائعه

عايد السميري

محاوره قويه وجميله صح لسانك ولسان الشاعرمحمد السليس
الله يعطيكم العافيه ابدعتم

دمت بخير

ياسلام عليكم والله قمه في الابداع

ولا يلعب مثل هذه المحاوره إشاعر متمكن مثلك ومثل الشاعر السليس


الله يعطيكم العافيه


عبدالله