قصيدة حمد بن عايش قرفان الوابصي المشهوره

شبيت ناري

الشاعر حمد ابن عايش قرفان رحمه الله رجل كريم وملفا في وقت ضنكت به المعيشه وقلت به المؤن وهذه قصيده له بالكرم ويطلب الله انه يفرجها عليه وعلى الاجواد في جميع الديار واليكم القصيده:

شبيت ناري ماتحريت جــــــــاري=جبنا حطب وابهار والبن جـــــبناه
وسويت فنجالن وفيه الشـــــــقاري =فنجال منقيا عن الحرق ما جـــــاه
حماسه اللي ماقلط له فـــــــشاري= لا منقص بنه ولا امكثرن مـــــاه
والا الثريا طالعه بالمــــــــــحاري= يالله عساها تسقي النجد بامــــــلاه
تسقي بدا وابا القزاز الحـــــــداري=وتاصل ورا اقبيقيب واوجد روحاه
ترعد على السرين وتملا الخباري=وايسيل وادي اشواق للي تلــــــــقاه
وايسيل واد العيص حتن الفجاري=وكل اجنبيا سال واديه والهـــــــــاه
وتسقي بلي هل البيوت الـــمذاري=وابيوتهم للضيف دايم مــــــــــــبناه
سحابها شفا عليهم عصــــــــاري=وهبت قبول وللاجاويد تنـــــــــحاه
تيامنت لنقيع وهاك المــــــحــاري=قفا على حبران واللحف واســــــقاه
انا اطلب الله ماعليه مــــــزاري=من عرض حيا يطلب الرب واعطاه
يالله ترزق موقدين العصــــــاري=اللي يسووا للاجاويد ملــــــــــــــهاه
اطيب من اللي هرجته بالفشاري=ماشاف ماصادف ولا شاف ماخطاه
واطيب من اللي نازلن بالمـذاري=لني لقيت الضيف راعيه ما لقـــــــاه
وان ربعت يقطم قطيم العــشاري=يزرا على اللي باع ضانه ومـــــعزاه
والا على المحلاب وده يـــماري=تقول كنه تذبح الكبش يـــــــــــــــمناه
كنه على نقل الثقيلات ضــــاري=ولكن عمر الضيف ضافه وخــــــلاه

قاسم على القويعاني


اسمك يكفي لمعرفت ان هناك مشاركه رائعه

صح لسانك وسلمت يدك

دمت بخير

[blink]استاذي قاسم[/blink]

صح لسانك
ولسان الشاعر
حمد بن عايش
الله يفرجها لجميع
قصيده جميله

بدر الالبد

تواجدكم المستمر ومروركم الرائع دافع لنا

رحم الله الشاعر
وبارك الله باالناقل

قاسم علي القويعاني

صح لسانك ولسان الشاعر

سلمت ايها المبدع على مشاركاتك الرائعه