ديرتي

اعضاء وزوار منتدي بلي
السلام عليكم ورحمةالله وبركاته

وانا اتنقل بين المنتديات وجدت قصيدة لاحد سكان منطقة تبوك

وهذا القصيده تحكي ماحدث للبدو من تهجير وترك ابيت الشعر

وهذا ماحصل فعلاً وهي بعنوان (ديرتي) وحبيت انقلها لكم


ديرتي

ياديرتـي ردي علـيّـه جـوابـي
وين البيوت ووين ذيـك الرجاجيـل
وشبك خليّـه مابـك إلا السرابـي
ماغير باقي بك رسـوم المنازيـل
قالت تسمّع قصتـي مـع صوابـي
حتى تعـرف السالفـه بالتفاصيـل
وقتي مضى واليوم مقبـل شيابـي
وقتي مضى مع كاسبيـن التنافيـل
اللي منازلهـم علـى كـل نابـي
طلقين الأيـدي للنشامـا مداهيـل
اهـل البيـوت مكربـات الطنابـي
ربعـاً يهلـو بالضيـوف المقابيـل
الحيل للضيفـان سرعـه اتجابـي
عاداتهم من كان جيـلاً بعـد جيـل
نيّاتهم اصفى من اصفـى شرابـي
والـرزق بالنيـات ياتـي تنازيـل
دايـم دِ يرهـم يعتليهـا السحابـي
لهلّ ماها الروض والـوادي يسيـل
الفجر يصهل نجـر ربـع ٍ طيابـي
يجلب ابصوتـه وافييـن المكاييـل
يتجمعوا بالبيـت شيـب وشبابـي
وتصرف عليهم والمـه بالفناجيـل
ارجـال فيهـم لينـتٍ واكتـرابـي
انااشهد انهـم للمعـادي مشاكيـل
نطاحـة الغـارات وقـت الحرابـي
كسابة الخلفات مـن ضفـة النيـل
والصبح دايـم يركبـون الركابـي
اللي مع الخلفات واللي مع الحيـل
يرعن غنمهـم لابسـات النقابـي
الزاهيـات الناعسـات المكاحيـل
يتخالطن في روض عشبة خصابـي
يتجاذبـن مـا بينهـنّ المواويـل
ميرادهـم عـداً عليـه الجوابـي
عليه تسمـع للنشامـى جلاجيـل
الخير مـع وقتـه تعـدا وغابـي
من يوم راحو متعبيـن المعاميـل
اللي بقـا منهـم كبيـر ٍ وشابـي
في هالزمن شاف البلا والتهاويـل
في هالزمن ماسب ربـع ٍ صلابـي
مير البـلا عنـي تقافـو مراحيـل
باعـوا بيـوت البدونـه بالترابـي
وباعوا غنمهم وامهـات المخاليـل
وكل واحدٍ يبغـى يعبـي الجرابـي
ويقول هذا هو ترى اهـمّ تحصيـل
سكر عليـه بداخـل البيـت بابـي
وان قلت وينك قال عندي مشاغيـل
واللي بقو بي ما بهم مـن معابـي
لا شـك فيهـم شايليـن المثاقيـل
منهم طووا بيت الشعـر كالثيابـي
وقال ابتغي لي بيت حلو التفاصيـل
وبنّوا بي بيـوت البلـك العجابـي
وقالـو تقّلـع يازمـان التراحيـل
واللي ترحّل جاب لـه زول جابـي
من سرحته صارت غنمهم مهازيل
وتبـدلـت نياتـهـم بانـقـلابـي
ومن الحسد صارت إفياضي مماحيل
وقتٍ به الشيهـان خـاوا الغرابـي
وصارت به الفيران تركب على الفيل
هذا جواب ديـار صـارت خرابـي
للي سألني عـن رجـالاً حلاحيـل

قصـــــــــــــــــــــــــيده للشاعر ((( سليمان مطير ابو طلحي العطوي )))

صح لسان الشاعر

والف شكر لك على هذا النقل المفيد