رغم كرهي لنقل المواضيع الا انها قصيدة تستاهل النقل

هذا بنات اليوم برقع وجـوال .. ولاعبايـة كتـف هـم يلبسوهـا

والراس فوق الراس طرحه مع الشال .. حتى الخصال الطيبة افقدوها

يوم البنات اللي غدٍ سبت اهمال .. ويوم السبايـب اهلهـا هملوهـا

الأم نامت والابو صار تمثال .. والبنت راحت وين مـا يسألوهـا

بالليل تسهر بين هاتف وجوال .. والا على دش الفلـس سهروهـا

اقفاي هي ما بين الاسواق واقبال .. بلا غرض راحت ولا انشدوها

اللبس تلبس كل ما يطرب البال .. وفلوس لو تنقص عليها عطوهـا

من شافها باللبس يا ساتر الحال .. يسبهـا ويسـب مـن خلفوهـا

كومة لحم وعيون والرمش قتال .. ويلا مشت كل الشباب اتبعوهـا

هم ما دروا لون البراقع بتنشال .. ونشوف وش تحت البراقع خفوها

يرتاح من صابه من اسبابها هبال .. ويشوف والله من عيونه هووها

وين البنات اللي بهم تضرب امثال .. ليت السلوم الطيبة ما تركوهـا

البنت زين البنت لا زانت الحال .. ما هو بلبس ولا علـوم خذوهـا

وين المراجل ما بقى غيره ارجال .. ليت الشوارب واللحى حلقوهـا

اللي على عاره رضي الذل ينقال .. ليت الكرامة ليتهـم يرفعوهـا

ما عاد ينفع قول فيها ولا قـال .. لا الأم والله ولا الأبـو انفعوهـا

اصبح ضياع البنت بسباب جوال .. البنت ضاعت والأهل ضيعوها

طلال الهريم

كل عام وانت بخير

مشكور على نقل هذه القصيده التي تعبر عن حالنا في هذا الزمن لكن ماذا عسانا نعمل الامور تمشي بغير رضانا والله يستر من اخرتها

اللهم استر علينا وعلى كافة المسلمين يارب واهدهم الى الطريق السليم

شكرا لمرورك اخوي ابن مساوى وكل عام وانت بخير ومن تحب

والله القصيدة حلوه لكن والله مو صحيح مو الكل كذا وبعدين الجوال اصبح ضرورة مو شرط استخدامة يكون سييء واحنا بنات القبايل مافي احرص مننا والله الشاهد وعباية الكتف والله مانعرفها و مانعتب الباب الا بإذن اهالينا ومعنا شله من الاطفال واخواني الكرام وبعدين اللي ماعنده رقابة ذاتيه من نفسه والله مافي قوة بالعالم تقدر تمنعه واهم رادع ورقابه رقابة الدين وعاداتنا الكريمه ونحمد االله اننا مسلمون والشكر موصول لك يااخي على الموضوع

الاخ طلال
القصيده لابد من ذكر شاعرها
وهذه القصيده هي للشاعر رجا سليمان اللوط وهذا للمعلوميه فقط
مع احترامي للصديق رجا ... وهو سبق ان القاها بصحبتي في امسيه في تبوك الا ان في هذه القصيده تجني لسبب واحد وهو التعميم لك تحياتي

شكرا لك أخي طلال الهريم

شكرا للشاعر منصور البلوي

شكرا لكل متابع للشعر

القصيدة سبق نشرها في المنتدى /
http://www.bluwe.com/bluwe/showthread.php?t=10614