سيد الموقف

البارحه ياسيد الموقف بتيهات الدليل=وانا دليلي تايه البارح وليلي حدني
ابيع واشري والحصيل الله عليم بالحصيل=والوقت يرخي لي حبال المنتوي ويشدني
واسرجت مهرة خاطري واسرفت في بنت الاصيل=اللي لها كل المسـافات البعيده تدني
وارخيت لعنان الطرد واقفت كما الصيد الجفيل=اللي تمزع قدم ناظرها الرصاص المعدني
من جبخان البرنو التالي بعد عصر الفتيل=منها اجلال الصيد ضمر عقب ماهي بدني
وان ثورت عج الطرد واستنجدت خيلا بخيل=ميدانها حدب الضلوع اللي يضبن ابدني
والىـادلهميتي شتو كلا" يخيل اللي يخيل=ارخي شخاتير المطر على الوطاه ودندني
لين المسيل يفيض ماه ويعتنق ذاك المسيل=والقاع يخضر ويتباها بالغصون اللدني
والبدو هادو وركدو ماعاد يطرون الرحيل=والعود لاسمع النجر نادى المقدي ودني
والزمل هيبتها الهدير وعزوة الخيل الصهيل=وصدورنا كم رددت لابدني لابدني
وان شاب حرف القافيه ياهاجسي مانته بخيل=الدرب لاقصر وقف وقف وهو ماردني
وختامها سلم على روس الرجال اهل الجميل=سمر الجباه الباديه والعالم المتمدني

الشاعر / سليمان الجبيل

صح لسانك وبدنك يا ابو يوسف

للشعر معك معنى وقاف خاص قليل اللي مثيله

ما اجمل كلماتك بدون مجاملات وملحقاتها

صح لسانك على هالأبيات الجزلة ،،،،،،،،،

صح السانك يابو يوسف
تستاهل لقب شاعر تم منحك هذا القب

تمنياتي لك بالتوفيق

ماشاء الله تبارك الله


صح لسانك ابو يوسف ...!


قصيده جميله وشامخه وليست مستغربه

من شاعر كفــو وجززل ...!

سجلني متابع لماتبهرنا به !!

هلا وغلا /ابو يوسف


يكفي متذوقي الشعر هذه القصيدة من الحصيل