قصيدة الشاعر حسن بن عبيد السرحاني في حفل السراحين

أيها الأخوة الأعزاء اقدم لكم هذه القصيدة التي ألقاها استاذي الشاعر الكبير حسن/ بن عبيد السرحاني
في حفلة قبيلة السراحين والذي أقامته تكريما لاأبطالها المشاركين في الذود عن الحد الجنوبي أتمنى ان تنال اعجابكم

تهاني النصر بالأشعار مدفوعه=باسم القبيله وباسم الشيخ اقدمها
فابيات شعرن وكلمة حق مسموعه=لاابطالنا اللي بهذا الحفل نكرمها
حنا فرحنا ببدر النصر وطلوعه=فرحه لنا خالق المخلوق تممها
حنا سراحين والهامات مرفوعه=مثل الرجاجيل تاقف في لوازمها
الأرض ذراتها فالقلب مطبوعه=ماهي تجاره على الشاري نسومها
ابلادنا حرتن صافي ومجموعه=حره ايدينا مجودتن قوايمها
حره ومن دونها الارواح مدفوعه=محلا سهوم المنايا عند برطمها
حنا جنود الملك نمشي على طوعه=اليا رمينا على الاهداف نقسمها
طاعة ولي الامر حاجات مشروعه=حنا على منهج الدوله وحاكمها
من يلتجي فابو متعب يامن الروعه=في بردها في صباها في سمايمها
اليا تحزم وقام وجهز دروعه=فريس وقت السعه ترخي محازمها
بلاده مواصله ماهي بمقطوعه=كل المسلمين تعطا من غنايمها
كل الصعيبات خلاها على طوعه=بالعدل والسيف والتفكير هازمها
خمسة سنين الملك ماشي بمشروعه=مناطق المملكه بالخير يدعمها
عنده ولي العهد للعرف موسوعه=من عزمه الجند تستكمل عزايمها
قوات سلطان للأزمات مصنوعه=ترسانة العز ابوخالد مصممها
سلطان يوم المعادي شانت طبوعه=هيبته تمن لنا الأرض ومحارمها
عاشت بلي روحها للحق مبيوعه=ارواحها دون واجبها تقدمها
ارجال كلن لبس للموت قبوعه=وفينا رجالن اشارتها بعمايمها
ماغرنا منظر التمساح ودموعه=قلوبنا الله من الشيطان عاصمها
حاجات ابيحت لنا وحاجات ممنوعه=مانحلل اشيا علينا الدين حرمها
نمتاز بالصبر والغلطات مرجوعه=وحقوقنا ماتضيع ولاحدن يهضمها
احقوقنا كبار مثنيه ومربوعه=اشراف مانمسك الغفله وناسمها
ارجال نومن بيوم القدر ووقوعه =عسى احسن اعمالنا دايم خواتمها
حنا بريين من مخلوق مزروعه=بالكفروالفسق مغسوله جماجمها
كم حوثين بندقه من يده منزوعه=غصبن على لحيته بالماد سلمها
وكم حوثي يديه مع رجليه مقطوعه=لايمد يده ورجله مايقدمها
مجموعتن في ثياب الغدر مجموعه=لارحم ابوها ولابو من امليمها
وجيههم من زمانن فات مصفوعه=لو ودها الخير ماتجحد نعايمها
مدحت ربعي وكلن يمدح ربوعه=واظن كل القبايل دون لازمها
وصلاة ربي اعداد البرق وشلوعه= على شفيع البشر والرسل خاتمها

ابو يوسف يعطيك العافية وهذا صح لسانه
وتقبل مروري

ابو زياد علامه فارقه في الشعر يحتاج الى من يستفزه فقط لكي ينثر ابداعه ,,,,,,
شكرا ابا يوسف

معلقه تستحق الثناء من شاعر علم خسرته الملاعب واشتاقت له الصفوف,,
بكل صدق قصيده من الوزن الثقيل مالها الا حسن ولا يهون ابو وليد وشعراء
السراحين والشكر لك مثني ومربوع على اتحافنا بتلك الرائعه وبيض الله وجيه
خوالي المشاركين في حرب الجنوب والحمد لله على سلامتهم

الف شكر يابو يوسف علي النقل

والاكثر منها تواضعك

تقبل مروري؟؟؟؟؟؟؟؟؟؟؟؟

الله يعطيك العافيه يابوبدر ومشكور على مرورك