شبيه حاتم

شبيه حاتم

سلمـان لاجـوه المساييـر هــلا = انشهد ان الضيـف لاجـاه يرتـاح
اقلـط وتلقـى لــك ادلالً تـمـلا = لاذاقها الظرمـان لوبـه تعـب راح
والمجلس اللي من جلس بـه تسـلا = سوالفاً مـع ريحـة العـود لافـاح
السفـره اللـي كـل ليلـه اتـفـلا= ياماخروف وحايلاً بالصحـن طـاح
يجيبهـا لــو بالـدراهـم تـغـلا = انشهـد انـه لصعيـبـات نـطـاح
يشبـه لحاتـم بالـكـرم ويتـحـلا = وغطى على ابن مهيد لو بالعشا صاح
ابمـدحـه لوبالطويـلـه تـعــلا = صار الكرم والطيب له درع ووشاح
الطيـب الـلـي خـوتـه ماتـمـلا =الخوه اللـي كلهـا ضـك ومـزاح
مـن سـاس قومـاً بالقـا ماتخلـى = لاجـا نهـاراً فيـه ذابـح وذبّـاح
صغيرانـا بالهـوش مايـوم كــلا = ياكم شجيعاً من على مهرتـه طـاح
الجـار نفـرش لـه حريـراً وزلا = فـي قـدرة الله عنـه الهـم ينـزاح
نرفـع وقـاره لـو علينـا يــزلا = ونحـل لـه طـاري مدحنـاه لاراح
وختامهـا مسكـاً وعنـبـر وفــلا = تعبير شاعر عنـده القـاف مابـاح
وصـلاة ربـي عـد مزنـاً يهـلا = على النبي اللـي هدانـا بالأنصـاح

* عوض بن شذيان

هلا وسهلا بك ياعوض الحقيقه قصيده جميله


وجزله وكما يقولون (المدح لهل الطيب سلمن وعادات)

صح لسانك

صح لسانك شاعرنا الكريم ..

و ننتظر جديد إبداعك لا هنت ..

اللهم صلي على محمد

,

عوض بن شذيان

صح الله لسانك

يستاهل سلمان

وانت شاعر جزل مافيك شك

لك تقديري واحترامي

,

عوض بن شذيان

قصيد ممتاز ومعبر

ويستاهل ابو عبدالعزيز المدح

والكرم من عوايدة

الشاعر
الجزل / عوض بن شذيان



سلمت وصح لسانك


من عرفتك وانت جزل ومبدع ياعوض

و

/ المدح بأهل الطيب ماهو خساره /